Cyclone Akvan | ఏపీ తీరానికి అక్వాన్ తుపాను ముప్పు.. తీవ్ర తుపానుగా బలపడిన వాయుగుండం!
Cyclone Akvan | బంగాళాఖాతంలో ఏర్పడిన అక్వాన్ తుపాను తీవ్ర తుపానుగా బలపడింది. ఇది ఉత్తర వాయవ్య దిశగా కదులుతూ నవంబర్ 20 మధ్యాహ్నం నెల్లూరు, విశాఖపట్నం మధ్య ఏపీ, యానాం తీరాలను దాటే అవకాశం ఉందని వాతావరణ శాఖ అంచనా వేసింది.
Cyclone Akvan | బంగాళాఖాతంలో ఏర్పడిన అక్వాన్ తుపాను తీవ్ర తుపానుగా బలపడింది. మంగళవారం ఉదయం తీవ్ర తుపానుగా మారిన ఆక్వాన్.. బుధవారం ఉదయం 5.30 గంటల సమయానికి అక్వాన్ తుపాను దక్షిణ, పశ్చిమ మధ్య బంగాళాఖాతంలోని మధ్య ప్రాంతాల్లో కేంద్రీకృతమై ఉంది. ఇది గంటకు సుమారు 3 కిలోమీటర్ల వేగంతో ఉత్తర వాయవ్య దిశగా కదులుతున్నట్లు ఐఎండీ తెలిపింది. ప్రస్తుతం చెన్నైకి తూర్పు దిశగా 580 కిలోమీటర్లు, మచిలీపట్నానికి ఆగ్నేయంగా 610 కిలోమీటర్లు, విశాఖపట్నానికి దక్షిణ ఆగ్నేయంగా 610 కిలోమీటర్లు, ఒడిశాలోని గోపాల్పూర్కు దక్షిణంగా 730 కిలోమీటర్ల దూరంలో ఉన్నట్లు వెల్లడించింది. ఈ నేపథ్యంలో ఏపీ తీర ప్రాంతాలకు భారత వాతావరణ శాఖ (ఐఎండీ) ఆరెంజ్ అలర్ట్ జారీ చేసింది.
20న తీరం దాటే అవకాశం
అక్వాన్ తుపాను ఉత్తర వాయవ్య దిశగా కదులుతూ నవంబర్ 20 మధ్యాహ్నం నెల్లూరు, విశాఖపట్నం మధ్య ఏపీ, యానాం తీరాలను దాటే అవకాశం ఉందని వాతావరణ శాఖ అంచనా వేసింది. ఆ సమయంలో ఇది తీవ్ర తుపానుగానే కొనసాగుతుందని తెలిపింది. గంటకు 100 నుంచి 110 కిలోమీటర్ల వేగంతో గాలులు వీచే అవకాశం ఉండగా, గరిష్ఠంగా 120 కిలోమీటర్ల వేగంతో ఈదురుగాలులు వీయవచ్చని హెచ్చరించింది. అయితే ఇది మరింత బలపడి అతి తీవ్ర తుపానుగా మారే అవకాశం లేదని వాతావరణ నిపుణులు అంచనా వేస్తున్నారు.
VIDEO | Andhra Pradesh: Visuals from RK Beach, Visakhapatnam.
The cyclonic storm named ‘Akvan’ forming over parts of Bay of Bengal is expected to intensify into a severe cyclonic storm, the Meteorological Department said on Tuesday. Under the influence of the cyclone, heavy rainfall is forecast in parts of Andhra Pradesh.
#CycloneAkvan #AndhraPradesh
(Full video available on PTI Videos – https://t.co/bIyFWTfmBd)
— Press Trust of India (@PTI_News) November 18, 2026
ఉత్తరాంధ్ర జిల్లాలకు భారీ వర్ష సూచన
తుపాను ప్రభావంతో ఏపీలో బుధవారం నుంచి అక్కడక్కడ వర్షాలు కురిసే అవకాశం ఉంది. ముఖ్యంగా విశాఖపట్నం, అల్లూరి సీతారామరాజు, పార్వతీపురం మన్యం, శ్రీకాకుళం, విజయనగరం జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. తీర ప్రాంతాల్లో బలమైన గాలులు వీచే అవకాశం ఉండటంతో ప్రజలు అప్రమత్తంగా ఉండాలని సూచించింది.
అక్వాన్ తుపాను నేపథ్యంలో ఏపీ ప్రభుత్వం అప్రమత్తమైంది. తీర జిల్లాల్లో ముందస్తు జాగ్రత్తలు తీసుకోవాలని హోంమంత్రి వంగలపూడి అనిత అధికారులను ఆదేశించారు. ప్రాణ, ఆస్తి నష్టం జరగకుండా అవసరమైన చర్యలు చేపట్టాలని సూచించారు. మత్స్యకారులు సముద్రంలోకి వెళ్లకుండా జాగ్రత్తలు తీసుకోవాలని హెచ్చరికలు జారీ చేశారు. తుపాను ప్రభావంతో విద్యుత్ మౌలిక సదుపాయాలకు నష్టం కలగకుండా ముందస్తు చర్యలు చేపట్టాలని విద్యుత్ శాఖ మంత్రి గొట్టిపాటి రవికుమార్ డిస్కంల అధికారులను ఆదేశించారు. విద్యుత్ సరఫరాలో అంతరాయాలు ఏర్పడకుండా అప్రమత్తంగా ఉండాలని సూచించారు. గత తుపానుల అనుభవాలను దృష్టిలో ఉంచుకుని విద్యుత్ వ్యవస్థను రక్షించేందుకు పటిష్ఠమైన ఏర్పాట్లు చేయాలని అధికారులకు స్పష్టం చేశారు.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
Cyclone Akvan | ఏపీ తీరానికి అక్వాన్ తుపాను ముప్పు.. తీవ్ర తుపానుగా బలపడిన వాయుగుండం!
Russian Plane Crash | రష్యాలో కుప్పకూలిన సైనిక విమానం.. 19 మంది మృతి!
Javed Akhtar: ప్రతి భారతీయుడి రక్తంలో రాముడున్నాడు.. జావెద్ అక్తర్ వ్యాఖ్యలను ఖండించిన ముస్లిం నేత
Congress | పెన్ పహాడ్ కాంగ్రెస్లో అసమ్మతి సెగ.. ‘బీసీ నాయకుడిననే చిన్నచూపా?’.. సీనియర్ నేత బహిరంగ లేఖాస్త్రం!
Sakshi Dhoni | ‘కొన్ని అధ్యాయాలు ముగియాల్సిందే’.. ధోనీ రిటైర్మెంట్పై సాక్షి ఎమోషనల్ పోస్ట్.. !
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

