Polavaram | ఒడిశా అసెంబ్లీలో పోలవరం లొల్లి.. కాంగ్రెస్‌ సభ్యుల నిరసనతో సభలో గందరగోళం

ఆంధ్రప్రదేశ్‌లో నిర్మిస్తున్న పోలవరం ప్రాజెక్టుపై ఒడిశా అసెంబ్లీలో కాంగ్రెస్‌ సభ్యులు గురువారం నిరసనకు దిగారు.

Polavaram | భువనేశ్వర్‌, జూలై 25: ఆంధ్రప్రదేశ్‌లో నిర్మిస్తున్న పోలవరం ప్రాజెక్టుపై ఒడిశా అసెంబ్లీలో కాంగ్రెస్‌ సభ్యులు గురువారం నిరసనకు దిగారు. ఈ ప్రాజెక్టు కారణంగా మల్కన్‌గిరిలోని గిరిజనుల భూమి నీట మునిగిపోయే ప్రమాదం ఉందని కాంగ్రెస్‌ ఆందోళన వ్యక్తం చేసింది. ఆ పార్టీ సభ్యులు స్పీకర్‌ వద్దకు దూసుకువచ్చి నినాదాలు చేయడంతో తీవ్ర గందరగోళం ఏర్పడింది.

ఈ సందర్భంగా పోలవరంపై వెంటనే ఒక హౌస్‌ కమిటీని వేయాలని సీఎల్పీ నేత రామ చంద్ర కాదమ్‌ డిమాండ్‌ చేశారు. పోలవరం ప్రాజెక్టుకు కేంద్రంలోని బీజేపీ ప్రభుత్వం సహకారం అందిస్తున్నదని, కానీ ఈ ప్రాజెక్టు కారణంగా మల్కన్‌గిరి జిల్లాలో 1400 నుంచి 1500 హెక్టార్ల భూమి నీట మునిగిపోతుందని చెప్పారు. దీనిపై స్పీకర్‌ స్పందించకపోవడంతో కాంగ్రెస్‌ సభ్యులు వెల్‌లోకి దూసుకొచ్చి నినాదాలు చేశారు.