లిలిబెట్ డ‌యానా : రెండోసారి త‌ల్లిదండ్రులైన హ్యారీ, మేఘ‌న్‌

ప్రిన్స్ హ్యారీ, మేఘన్ మెర్కెల్‌ రెండోసారి తల్లిదండ్రులు అయ్యారు. అమ్మాయికి జ‌న్మ‌నిచ్చిన విష‌యాన్ని వారే స్వ‌యంగా ప్ర‌క‌టించారు. త‌మ కుమార్తెకు లిలిబెట్ డయానా అని పేరు పెట్టారు

June 7, 2021 / 01:41 PM IST

లిలిబెట్ డ‌యానా : రెండోసారి త‌ల్లిదండ్రులైన హ్యారీ, మేఘ‌న్‌

లండ‌న్ : ప్రిన్స్ హ్యారీ, మేఘన్ మెర్కెల్‌ రెండోసారి తల్లిదండ్రులు అయ్యారు. అమ్మాయికి జ‌న్మ‌నిచ్చిన విష‌యాన్ని వారే స్వ‌యంగా ప్ర‌క‌టించారు. త‌మ కుమార్తెకు లిలిబెట్ డయానా అని పేరు పెట్టారు. లిలిబెట్‌ శుక్రవారం కాలిఫోర్నియాలోని శాంటా బార్బరా కాటేజ్ ద‌వాఖాన‌లో జన్మించింది. లిలికి ముత్తాత, క్వీన్ ఎలిజబెత్ II పేరు పెట్టారు. వారి కుటుంబానికి లిలిబెట్ అనే మారుపేరు ఉన్న‌ది. లిలి అనేది ప్రిన్స్ హ్యారీ తల్లి ప్రిన్సెస్ డయానా పేరు నుంచి తీసుకున్నారు. వీరికి 2019 లో ఆర్చీ హారిసన్ మౌంట్ బాటన్ విండ్సర్ అనే కుమారుడు కూడా ఉన్నారు. సస్సెక్స్ డ్యూక్, డచెస్ శుభాకాంక్షలు, ప్రార్థనలన్నిటికీ కృతజ్ఞతలు తెలుపుతున్నారని రాయల్ జంట ప్రతినిధులు ఒక ప్ర‌క‌ట‌న‌లో తెలిపారు.

ఇలాఉండ‌గా, క్వీన్ ఎలిజబెత్ II మనవడు హ్యారీ, మేఘన్ గత మార్చిలో ఫ్రంట్‌లైన్‌ రాయల్ విధుల నుంచి వైదొలిగి ప్ర‌స్తుతం కాలిఫోర్నియాలో నివసిస్తున్నారు. గత ఏడాది జనవరిలో ఇద్దరూ డ్యూక్ ఆఫ్ సస్సెక్స్, డచెస్ ఆఫ్ సస్సెక్స్ రాజ బిరుదులను విడిచిపెట్టినట్లు ప్రకటించారు.