‘రాప్తాడు’ ఉన్మాదిపై 6 రౌండ్ల కాల్పులు

అనంతపురం జిల్లా రాప్తాడు ఉన్నత పాఠశాలలో పదోతరగతి చదువుతున్న బాలికపై శనివారం ఎలక్ట్రిక్‌ రంపంతో విచక్షణారహితంగా దాడి చేసిన ఉన్మాది హేమంత్‌పై పోలీసులు కాల్పులు జరిపారు.

• హేమంత్‌ను దవాఖానలో చేర్చిన పోలీసులు

హైదరాబాద్‌, నవంబర్‌ 1 (నమస్తే తెలంగాణ) : అనంతపురం జిల్లా రాప్తాడు ఉన్నత పాఠశాలలో పదోతరగతి చదువుతున్న బాలికపై శనివారం ఎలక్ట్రిక్‌ రంపంతో విచక్షణారహితంగా దాడి చేసిన ఉన్మాది హేమంత్‌పై పోలీసులు కాల్పులు జరిపారు. నిందితుడు ఆత్మకూరు అటవీప్రాంతంలో ఉన్నట్టు సమాచారం అందడంతో అతడిని పట్టుకునేందుకు ప్రయత్నించామని, ఈ క్రమంలో పారిపోయేందుకు ప్రయత్నించిన హేమంత్‌పై 6 రౌండ్లు కాల్పులు జరిపామని పోలీసులు వెల్లడించారు.

కాల్పుల్లో గాయపడిన నిందితుడిని దవాఖానలో చేర్పించినట్టు తెలిపారు. కాగా, హేమంత్‌ దాడిలో తీవ్రంగా గాయపడిన బాధిత బాలిక ప్రస్తుతం బెంగళూరులోని మణిపాల్‌ హాస్పిటల్‌లో చికిత్స పొందుతున్నది. ఏపీ మంత్రి నారా లోకేశ్‌ ఆదివారం ఆ హాస్పిటల్‌కు వెళ్లి బాధితురాలిని పరామర్శించారు. ఆమెకు అందుతున్న చికిత్స గురించి వైద్యులను అడిగి తెలుసుకున్నారు.