Visit:
Pawan Kalyan | పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న చిత్రాల్లో ‘OG 2’ ఒకటి. ‘దే కాల్ హిమ్ OG’ ఘన విజయానంతరం దర్శకుడు సుజీత్ ఈ సీక్వెల్ను మరింత భారీ స్థాయిలో తెరకెక్కించేందుకు సిద్ధమవుతున్నారు. ఇప్పటికే ఈ చిత్రం ప్రీ-ప్రొడక్షన్ దశలోకి అడుగుపెట్టగా, స్క్రిప్ట్తో పాటు ఇతర సాంకేతిక అంశాలపై సుజీత్ పూర్తిస్థాయిలో దృష్టి పెట్టినట్లు తెలుస్తోంది. ఇదిలా ఉంటే, ఇప్పుడు OG 2 కు సంబంధించిన ఓ ఆసక్తికరమైన వార్త సోషల్ మీడియాలో వైరల్ అవుతోంది. ఇటీవల స్టార్ హీరోల పుట్టినరోజుల సందర్భంగా ప్రత్యేక పోస్టర్లు, టీజర్లు లేదా కాన్సెప్ట్ వీడియోలను విడుదల చేయడం ఇండస్ట్రీలో ట్రెండ్గా మారింది. అదే సంప్రదాయాన్ని కొనసాగిస్తూ ఈ ఏడాది సెప్టెంబర్ 2న పవన్ కళ్యాణ్ పుట్టినరోజు సందర్భంగా ‘OG 2’ నుంచి అభిమానులకు ప్రత్యేక కానుక సిద్ధం చేస్తున్నట్లు సినీ వర్గాల్లో జోరుగా ప్రచారం సాగుతోంది.
తాజా సమాచారం ప్రకారం, ప్రస్తుతం చెన్నైలో ‘OG 2’ కోసం ప్రత్యేక యానిమేటెడ్ వీడియో రూపొందిస్తున్నారట. ఇది సాధారణ పోస్టర్ లేదా మోషన్ పోస్టర్ మాదిరిగా కాకుండా, సినిమా ప్రపంచాన్ని పరిచయం చేసే అనౌన్స్మెంట్ టీజర్ తరహా వీడియోగా ఉండనున్నట్లు సమాచారం. ఇందులో సినిమా కాన్సెప్ట్తో పాటు కథకు సంబంధించిన కొన్ని ఆసక్తికరమైన అంశాలను కూడా సూచించేలా విజువల్స్ ఉండనున్నాయని టాక్ వినిపిస్తోంది. ఈ వీడియోను అత్యున్నత సాంకేతిక ప్రమాణాలతో రూపొందిస్తున్నారని, పవన్ కళ్యాణ్ అభిమానులకు మరపురాని బర్త్డే గిఫ్ట్గా ఉండేలా ప్రత్యేక శ్రద్ధ తీసుకుంటున్నారని ఇండస్ట్రీ వర్గాలు చెబుతున్నాయి. అధికారిక ప్రకటన ఇంకా వెలువడకపోయినా, ఈ వార్త అభిమానుల్లో భారీ ఉత్సాహాన్ని నింపుతోంది.
మరోవైపు, ‘OG 2’ చిత్రాన్ని పవన్ కళ్యాణ్ తన సొంత నిర్మాణ సంస్థ ‘పవన్ కళ్యాణ్ క్రియేటివ్ వర్క్స్’ బ్యానర్పై నిర్మించనున్నట్లు సమాచారం. సంగీత దర్శకుడు ఎస్. థమన్ మరోసారి ఈ చిత్రానికి సంగీతం అందించనుండటం విశేషం. ‘OG’కు అందించిన బ్యాక్గ్రౌండ్ స్కోర్కు మంచి ప్రశంసలు రావడంతో, సీక్వెల్లో కూడా థమన్ నుంచి మరింత పవర్ఫుల్ మ్యూజిక్ను అభిమానులు ఆశిస్తున్నారు. అయితే, ఈ ప్రాజెక్ట్కు సంబంధించిన నటీనటులు, షూటింగ్ షెడ్యూల్, విడుదల తేదీ వంటి వివరాలను మేకర్స్ ఇంకా అధికారికంగా ప్రకటించలేదు. ప్రస్తుతం ప్రీ-ప్రొడక్షన్ పనులు వేగంగా సాగుతుండగా, త్వరలోనే చిత్రబృందం వరుస అప్డేట్లు ఇచ్చే అవకాశం ఉందని సినీ వర్గాలు భావిస్తున్నాయి.
