పంకజ్‌కు 29వ ప్రపంచ టైటిల్‌

భారత క్యూ స్పోర్ట్స్‌ దిగ్గజం పంకజ్‌ అద్వానీ ఈ ఆటలో తనకు తిరుగులేదని మరోసారి నిరూపించాడు. డబ్ల్యూబీఎల్‌ వరల్డ్‌ బిల్లియర్డ్స్‌ చాంపియన్‌షిప్‌లో సంచలన విజయంతో తన కెరీర్‌లో 29వ ప్రపంచ టైటిల్‌ను ముద్దాడాడు.

బర్మింగ్‌హామ్‌ : భారత క్యూ స్పోర్ట్స్‌ దిగ్గజం పంకజ్‌ అద్వానీ ఈ ఆటలో తనకు తిరుగులేదని మరోసారి నిరూపించాడు. డబ్ల్యూబీఎల్‌ వరల్డ్‌ బిల్లియర్డ్స్‌ చాంపియన్‌షిప్‌లో సంచలన విజయంతో తన కెరీర్‌లో 29వ ప్రపంచ టైటిల్‌ను ముద్దాడాడు.

శుక్రవారం ఐదు గంటల పాటు ఉత్కంఠగా సాగిన ఫైనల్‌ పోరులో పంకజ్‌ 1906-1206తో ఇంగ్లండ్‌ ఆటగాడు రాబ్‌ హాల్‌ను ఓడించి విజేతగా నిలిచాడు. 41 ఏండ్ల భారత దిగ్గజం ఓ దశలో 697-1014తో ఓటమి అంచుల్లో నిలిచినా రెండో భాగంలో అద్భుత పునరాగమనం చేసి టైటిల్‌ నెగ్గాడు.