NTR | టూ కుకీస్ కావాలన్న ఫ్యాన్‌కు ఎన్టీఆర్ ఫన్నీ రిప్లై.. వైరల్ అవుతున్న తారక్ స్పందన!
NTR | టాలీవుడ్ స్టార్ హీరో, మ్యాన్ ఆఫ్ మాసెస్ జూనియ‌ర్ ఎన్టీఆర్ సోషల్ మీడియాలో ఎంత యాక్టివ్‌గా ఉంటారో ప్రత్యేకంగా చెప్పాల్సిన అవసరం లేదు. ముఖ్యంగా తన అభిమానులతో సరదాగా మమేకమవుతూ, అప్పుడప్పుడు వారి పోస్టులకు స్పందిస్తూ అందరి మనసులు గెలుచుకుంటుంటారు. తాజాగా ఎన్టీఆర్ చేసిన ఓ ఫన్నీ రిప్లై ఇప్పుడు సోషల్ మీడియాలో వైరల్‌గా మారి అభిమానులను తెగ ఆకట్టుకుంటోంది. ఎన్టీఆర్‌కు నటనతో పాటు వంట చేయడం కూడా ఎంతో ఇష్టమనే విషయం తెలిసిందే.
NTR | టాలీవుడ్ స్టార్ హీరో, మ్యాన్ ఆఫ్ మాసెస్ జూనియ‌ర్ ఎన్టీఆర్ సోషల్ మీడియాలో ఎంత యాక్టివ్‌గా ఉంటారో ప్రత్యేకంగా చెప్పాల్సిన అవసరం లేదు. ముఖ్యంగా తన అభిమానులతో సరదాగా మమేకమవుతూ, అప్పుడప్పుడు వారి పోస్టులకు స్పందిస్తూ అందరి మనసులు గెలుచుకుంటుంటారు. తాజాగా ఎన్టీఆర్ చేసిన ఓ ఫన్నీ రిప్లై ఇప్పుడు సోషల్ మీడియాలో వైరల్‌గా మారి అభిమానులను తెగ ఆకట్టుకుంటోంది. ఎన్టీఆర్‌కు నటనతో పాటు వంట చేయడం కూడా ఎంతో ఇష్టమనే విషయం తెలిసిందే. గతంలో ఆయన చికెన్ బిర్యానీతో పాటు పలు రకాల వంటకాలు స్వయంగా తయారు చేసిన వీడియోలు సోషల్ మీడియాలో వైరల్ అయ్యాయి. అనేక ఇంటర్వ్యూలలో కూడా తన తల్లి దగ్గర నుంచే వంట నేర్చుకున్నానని, సమయం దొరికితే కిచెన్‌లో కొత్త కొత్త వంటకాలు ట్రై చేయడం తనకు చాలా ఇష్టమని తారక్ వెల్లడించారు.
తాజాగా ఎన్టీఆర్ తన ఇన్‌స్టాగ్రామ్ స్టోరీలో తానే స్వయంగా తయారు చేసిన ‘చాక్లెట్ చిప్ కుకీస్’ వీడియోను అభిమానులతో పంచుకున్నారు. ఆ వీడియోకు “కొన్నవి కావు.. నేనే బేక్ చేశాను” అంటూ సరదా క్యాప్షన్ కూడా జత చేశారు. తన అభిమానులు ఈ వీడియోను చూసి ఆశ్చర్యపోతూ, తారక్‌లోని మరో టాలెంట్‌ను ప్రశంసించారు. అయితే ఈ వీడియో చూసిన ఓ అభిమాని ఎక్స్ (ట్విట్టర్) వేదికగా ఆసక్తికరమైన పోస్ట్ చేశాడు. “అన్నా.. నాకు ఇద్దరు పిల్లలు ఉన్నారు.. నాకు రెండు కుకీస్ కావాలి” అంటూ ఎన్టీఆర్‌ను ట్యాగ్ చేస్తూ సరదాగా ట్వీట్ చేశాడు. సాధారణంగా స్టార్ హీరోలు ఇలాంటి పోస్టులను పట్టించుకోకపోవచ్చు. కానీ ఎన్టీఆర్ మాత్రం ఆ ఫ్యాన్ ట్వీట్‌ను గమనించి తనదైన శైలిలో స్పందించారు.
ఆ అభిమాని ట్వీట్‌కు ఎన్టీఆర్ ప్రముఖ హాస్యనటుడు బ్ర‌హ్మానందంకు సంబంధించిన ఓ హిలేరియస్ మీమ్‌ను రిప్లైగా పెట్టారు. తారక్ ఇచ్చిన ఆ ఫన్నీ స్పందన అభిమానులను నవ్వుల్లో ముంచెత్తింది. సోషల్ మీడియాలో ఈ రిప్లై క్షణాల్లో వైరల్‌గా మారగా, అభిమానులు “ఇదే మా తారక్ స్పెషల్”, “స్టార్‌డమ్ ఎంత ఉన్నా అభిమానులతో ఇంత సింపుల్‌గా ఉండటం గొప్ప విషయం” అంటూ కామెంట్లు చేస్తున్నారు. ప్రస్తుతం ఎన్టీఆర్ అభిమానులతో సరదాగా చేసిన ఈ చిన్న సంభాషణ సోషల్ మీడియాలో హాట్ టాపిక్‌గా మారింది. తన వినయం, హాస్య చతురత, అభిమానులపై ఉన్న ప్రేమను మరోసారి చాటుకున్న తారక్.. ఈ ఫన్నీ రిప్లైతో నెట్టింట ట్రెండింగ్‌లో నిలిచారు. అభిమానులతో ఆయనకు ఉన్న ప్రత్యేక అనుబంధం మరోసారి స్పష్టమైందని సినీ వర్గాలు అభిప్రాయపడుతున్నాయి.
— Jr NTR (@tarak9999) June 5, 2026
Read Today's Latest News News in Telugu and Telugu News
- Follow Us :
-
