Snow storm | అమెరికాలో కొనసాగుతున్న మంచు తుఫాన్‌.. ఈశాన్యంలో జనజీవనం అస్తవ్యస్తం

Snow storm | అగ్రరాజ్యం అమెరికా (USA) లో మంచు తుఫాను (Snow storm) కొనసాగుతున్నది. ముఖ్యంగా ఈశాన్య అమెరికాలోని కొన్ని ప్రాంతాలను మంచుదుప్పటి కప్పేసింది. రికార్డు స్థాయిలో 3 అడుగుల మేర మంచు కురిసింది. రోడ్‌ ఐల్యాండ్‌లోని ఎయిర్‌పోర్టులో అయితే 38 అంగుళాల మేర మంచు నిండిపోయింది. ఈ హిమపాతం కారణంగా ప్రజలు తీవ్ర ఇబ్బందులు ఎదుర్కొంటున్నారు.

Snow storm : అగ్రరాజ్యం అమెరికా (USA) లో మంచు తుఫాను (Snow storm) కొనసాగుతున్నది. ముఖ్యంగా ఈశాన్య రాష్ట్రాల్లోని పలు ప్రాంతాలను మంచుదుప్పటి కప్పేసింది. రికార్డు స్థాయిలో 3 అడుగుల మేర మంచు కురిసింది. రోడ్‌ ఐల్యాండ్‌లోని ఎయిర్‌పోర్టులో అయితే 38 అంగుళాల మేర మంచు నిండిపోయింది. ఈ హిమపాతం కారణంగా ప్రజలు తీవ్ర ఇబ్బందులు ఎదుర్కొంటున్నారు.

ఎక్కడికక్కడ మంచు పేరుకుపోవడంతో రవాణా వ్యవస్థలకు అంతరాయం ఏర్పడింది. విమాన సర్వీసులు రద్దయ్యాయి. పలు ప్రాంతాల్లో విద్యుత్‌ సరఫరా నిలిచిపోయింది. మంచు, బలమైన గాలుల కారణంగా పాఠశాలలు, వ్యాపార సముదాయాలు మూతపడ్డాయి. అయితే ఇప్పుడిప్పుడే కొన్ని నగరాల్లో రవాణా సాధారణ స్థితికి వస్తోంది. మసాచుసెట్స్‌, న్యూజెర్సీ, డెలవేర్‌, రోడ్ ఐల్యాండ్‌లోని కొన్ని ఇళ్లకు విద్యుత్‌ సరఫరాను అధికారులు పునరుద్ధరించారు.

అయితే ఇంకా కొన్ని ప్రాంతాల్లో ప్రజలు అంధకారంలోనే ఉండిపోయారు. మంచువల్ల కొన్ని ప్రాంతాల్లో రైలు సర్వీసులు నిలిచిపోగా.. మరికొన్ని చోట్ల యథావిధిగా నడిచాయి. ఇదిలావుంటే.. గ్రేట్‌లేక్స్‌లో మరో తుఫాను రానున్నట్లు వాతావరణ శాఖ హెచ్చరికలు జారీచేసింది. అయితే దీని తీవ్రత ఎక్కువగా ఉండనప్పటికీ కొన్ని ప్రాంతాలు ప్రభావితమవుతాయని పేర్కొన్నది.