RTC Bus Accident | ఆదిలాబాద్ బస్సు ప్రమాదంపై ఆరా తీసిన మంత్రి పొన్నం ప్రభాకర్

RTC Bus Accident | ఆదిలాబాద్ జిల్లా ఉట్నూరు మండలం శ్యామ్‌పూర్‌లో ఆసిఫాబాద్ డిపోనకు చెందిన ఆర్టీసీ బస్సు బ్రిడ్జిపై నుంచి కిందపడ్డ ఘటనపై రవాణా శాఖ మంత్రి పొన్నం ప్రభాకర్ విచారం వ్యక్తం చేశారు.

RTC Bus Accident | ఆదిలాబాద్ జిల్లా ఉట్నూరు మండలం శ్యామ్‌పూర్‌లో ఆసిఫాబాద్ డిపోనకు చెందిన ఆర్టీసీ బస్సు బ్రిడ్జిపై నుంచి కిందపడ్డ ఘటనపై రవాణా శాఖ మంత్రి పొన్నం ప్రభాకర్ విచారం వ్యక్తం చేశారు. ప్రమాదానికి సంబంధించిన కారణాలపై ఆర్టీసీ ఎండీ నాగిరెడ్డితో ఫోన్‌లో మాట్లాడి వివరాలు తెలుసుకున్నారు. ఇరుకైన బ్రిడ్జిపై ప్రొటెక్షన్ వాల్ లేకపోవడం వల్లే ఘటన జరిగినట్లుగా ప్రాథమికంగా నిర్ధారించినట్లుగా మంత్రికి ఆర్టీసీ ఎండీ వివరించారు.

కాగా, ఈ ఘటనపై ఆదిలాబాద్ జిల్లా కలెక్టర్, ఎస్పీతోనూ మంత్రి పొన్నం ప్రభాకర్ ఫోన్‌లో మాట్లాడారు. క్షతగాత్రులకు నాణ్యమైన వైద్యం అందించాలని అధికారులను ఆదేశించారు. మరోవైపు ఘటనాస్థలంలో ఆదిలాబాద్, ఆసిఫాబాద్ ఆర్టీసీ అధికారులు పర్యవేక్షిస్తున్నారు. కాగా, సోమవారం తెల్లవారుజామున ఆర్టీసీ బస్సు బోల్తా పడటంతో ఐదుగురు గాయపడ్డారు.

 

ఆదిలాబాద్ జిల్లా వాగులో బోల్తా పడిన ఆర్టీసీ బస్సు

ఆదిలాబాద్ జిల్లా ఉట్నూరు మండలం షాంపూర్ బ్రిడ్జి వద్ద అదుపుతప్పి వాగులో పడిపోయిన ఆర్టీసీ బస్సు

పలువురు ప్రయాణికులకు గాయాలు, చికిత్స నిమిత్తం ఆసుపత్రికి తరలింపు

ఘటనా స్థలానికి చేరుకొని సహాయక చర్యలు చేపడుతున్న అధికారులు pic.twitter.com/txEXBrAGrP

— Telugu Scribe (@TeluguScribe) February 23, 2026