Visit:
Megastar Chiranjeevi | మెగాస్టార్ చిరంజీవి, దర్శకుడు బాబీ కాంబినేషన్లో ఎంతో ప్రతిష్టాత్మకంగా తెరకెక్కుతున్న మాస్ యాక్షన్ ఎంటర్టైనర్ ‘కాకా’ (KAAKA). ఈ సినిమా షూటింగ్ ప్రస్తుతం శరవేగంగా సాగుతోంది. అయితే తమిళనాడు సీఎం విజయ్ తనయుడు జేసన్ సంజయ్ దర్శకుడిగా పరిచయం అవుతున్న చిత్రం సిగ్మా. ఈ సినిమా ప్రీ రిలీజ్ ఈవెంట్కి ముఖ్య అతిథిగా వచ్చిన చిరు కాకా చిత్రంపై స్వయంగా ఒక అదిరిపోయే అప్డేట్ ఇచ్చారు.
ఈ సినిమా షూటింగ్ విశేషాలను పంచుకుంటూ.. ఫస్ట్ హాఫ్తో పాటు సెకండ్ హాఫ్లోనూ 30 శాతం భాగం పూర్తయిందని తెలిపారు. అంతేకాకుండా సంగీత దర్శకుడు తమన్ ఎస్ ఇప్పటికే ఫస్ట్ హాఫ్కు సంబంధించిన రీ-రికార్డింగ్ పనులను వేగవంతం చేసినట్లు వెల్లడించారు. సినిమా అవుట్పుట్పై మెగాస్టార్ పూర్తి ధీమా వ్యక్తం చేయగా, సంక్రాంతి కానుకగా జనవరి 13న ఈ చిత్రాన్ని ప్రపంచవ్యాప్తంగా గ్రాండ్గా విడుదల చేసేందుకు చిత్రబృందం పక్కా ప్లాన్తో ముందడుగు వేస్తోంది.
ఈ సినిమాలో మెగాస్టార్ చిరంజీవితో పాటు, అనస్వర రాజన్, నివేథా పేతురాజ్, సునీల్, గేటప్ శ్రీను తదితరులు కీలక పాత్రల్లో నటిస్తుండగా.. కేవీఎన్ ప్రొడక్షన్స్ బ్యానర్పై కే. వెంకట నారాయణ నిర్మిస్తున్నారు. ‘వాల్తేరు వీరయ్య’ తర్వాత చిరంజీవి – బాబీ కాంబోలో వస్తున్న మరో పొటెంట్ మాస్ ఫిల్మ్ కావడంతో ‘కాకా’పై అంచనాలు ఆకాశాన్ని తాకుతున్నాయి!
#KAAKA update from Megastar @KChiruTweets himself 🤩
The first half shoot and 30% of the second half are complete. Thaman has already started the background score for the first half! 🎶
Megastar is confident, and #KAAKA is on track for a grand Sankranti release 🔥@dirbobby… pic.twitter.com/rn94r625hg
— Tupaki (@tupaki_official) September 26, 2026
