న్యూఢిల్లీ, ఫిబ్రవరి 28: మారుతి సుజుకీ ‘జెన్యూన్ యాక్ససరీస్’ ఇక ఆన్లైన్లో దేశవ్యాప్తంగా 100కుపైగా నగరాల్లో లభిస్తాయి. ఈ మేరకు సోమవారం మారుతి ప్రకటించింది. ప్రస్తుతం ఆన్లైన్లో 2వేలకుపైగా మారుతి సుజుకీ జెన్యూన్ యాక్ససరీస్ దొరుకుతున్నాయి. మున్ముందు మరిన్ని ఉత్పత్తులను ఆన్లైన్లో అమ్మకానికి ఉంచుతామని సంస్థ స్పష్టం చేసింది. మారుతి సుజుకీ జెన్యూన్ యాక్ససరీస్ (ఎంఎస్జీఏ) వెబ్సైట్ నుంచి కూడా కస్టమర్లు ఆర్డర్ చేసుకోవచ్చు. ఇంటి వద్దే ఈ యాక్ససరీస్ను వాహనాలకు అమర్చే సౌలభ్యాన్ని కూడా ఇది అందిస్తున్నది. ‘మారుతున్న పరిస్థితులకు తగ్గట్టుగా కస్టమర్ల ప్రాధాన్యతను గుర్తించి మారుతి సేవల్ని అందిస్తున్నది. ఇప్పుడు చాలామంది ఆన్లైన్లోనే కొనేందుకు ఇష్టపడుతున్నారు. కస్టమర్ల అభిరుచికే ఎప్పుడూ సంస్థ పెద్దపీట వేస్తుంది’ అని మారుతి సుజుకీ ఇండియా ఎండీ, సీఈవో కెనిచి అయుకవా అన్నారు. యాక్ససరీస్ను ఇంటి వద్ద, డీలర్ల వద్దగానీ వాహనాలకు బిగించుకోవచ్చన్నారు.