సర్దానా : ఉత్తరప్రదేశ్ మీరట్ జిల్లాకు చెందిన ఒక సవతి తండ్రి ఐదేండ్లపాటు తన కుమార్తెపై పదేపదే లైంగికదాడికి పాల్పడిన షాకింగ్ సంఘటన వెలుగులోకి వచ్చింది. ఈ ఘటన సర్ధనా తహసీల్ పరిధిలోని కలాండ్ గ్రామంలో జరిగింది.
నిందితుడు తనపై 5 సంవత్సరాలుగా లైంగికదాడి చేస్తున్నట్లు బాధితురాలు ఆరోపించింది. పోలీసులు కేసు నమోదు చేయడంతో నిందితుడు పరారయ్యాడు.
కలాండ్కు చెందిన ఒక మహిళ ముజఫర్ నగర్కు చెందిన ఒక వ్యక్తిని వివాహం చేసుకుంది. కొన్నిరోజుల తరువాత భర్త నుంచి విడాకులు తీసుకుని కుమార్తెతో వేరుగా ఉంటున్నది. కాగా, కలాండ్ గ్రామానికి చెందిన మరో వ్యక్తిని వివాహం చేసుకున్నది. సవతి కూతురుతో అసభ్యంగా మాట్లాడుతూ వెకిలి వేషాలు వేసేవాడు. కొంతకాలంగా లైంగిక వేధింపులకు గురిచేయడం ప్రారంభించాడు. ఎవరికైనా వెల్లడిస్తే తీవ్ర పరిణామాలు ఉంటాయని నిందితుడు ఆమెను బెదిరించాడు.
ఇలా ఐదేండ్లపాటు బాలికపై లైంగికదాడి జరుపుతూ వచ్చాడు. చివరకు ధైర్యం చేసుకున్న సదరు బాధితురాలు వారం క్రితం చైల్డ్లైన్ నంబర్కు కాల్ చేసి తనకు జరిగిన అనుభవాన్ని వెల్లడించింది. మరుసటి రోజు, చైల్డ్లైన్ అధికారులు బాధితురాలు నివాసానికి చేరుకుని మొదట బాలికతో ఈ సంఘటన గురించి మాట్లాడారు. అనంతరం పోలీసులకు సమాచారం ఇచ్చారు. పోలీసులు బాలికను కూడా ప్రశ్నించి.. తరువాత ఆమెను వైద్య పరీక్ష కోసం పంపారు.
బాలికపై గత ఐదేండ్లుగా లైంగికదాడి జరిపిన వ్యక్తిపై చైల్డ్ లైన్ అధికారులు పోలీసులకు ఫిర్యాదు చేశారు. పోలీసులు నిందితుడిపై కేసు నమోదు చేసుకుని దర్యాప్తు చేస్తున్నారు. కాగా, నిందితుడు పరారీలో ఉన్నాడు. సీఆర్పీసీ సెక్షన్ 164 కింద బాలికను మేజిస్ట్రేట్ ముందు హాజరుపరిచినట్లు పోలీసులు తెలిపారు. పోలీసులు సదరు బాలికను షెల్టర్ హోంకు పంపించారు.
చట్టసభల్లో నిర్మాణాత్మక, ప్రయోజనాత్మక చర్చలు జరగాలి : వెంకయ్య
అత్యంత ఘోర విమాన ప్రమాదం.. 583 మంది దుర్మరణం.. చరిత్రలో ఈరోజు
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..