Kethika Sharma | రెండేళ్ల క్రీతం ఓటీటీలో విడుదలై మంచి ప్రశంసలు దక్కించుకున్న సినిమా ‘వినోదయ సితం’. సముద్రఖని, తంబిరామయ్య ప్రధాన పాత్రల్లో నటించిన ఈ సినిమాకు సముద్రఖని స్వీయ దర్శకత్వంలో రూపొందించాడు. ఇక ఇప్పుడు ఇదే సినిమాను పవన్ కళ్యాణ్ చేయబోతున్నాడు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమా ఫిబ్రవరి 14న పూజా కార్యక్రమాలు జరుపుకోనుంది. ఒరిజినల్ వెర్షన్ను తెరకెక్కించిన సముద్రఖని రీమేక్ వెర్షన్ను కూడా రూపొందిస్తున్నాడు. తెలుగు నెటీవిటీకి తగ్గట్లు త్రివిక్రమ్ పలు మార్పులు చేర్పులు చేసి స్క్రిప్ట్ను సిద్ధం చేశాడు.
ఈ సినిమాలో పవన్తో పాటు సాయి ధరమ్తేజ్ కూడా నటించబోతున్నాడు. తంబి రామయ్య పోషించిన పాత్రలో సాయి ధరమ్ తేజ్ నటించనున్నాడు. అయితే ఇందులో సాయి తేజ్ పాత్రను యువకుడిగా మార్చారు. ఇక ఈ సినిమాలో సాయిధరమ్కు ఓ గర్ల్ఫ్రెండ్ ఉండనుందట. కాగా ఆ పాత్రను కేతిక శర్మ పోషించనుందని తెలుస్తుంది. కాగా ఆమె వైష్ణవ్తేజ్తో కలిసి అంగరంగ వైభవంగా సినిమాలో ఆడిపాడిన విషయం తెలిసిందే. ఇక ఈ సారి అన్నతో కలిసి నటించబోతుంది. ఇప్పటికే మేకర్స్ ఆమెతో సంప్రదింపులు కూడా జరిపారని టాక్. త్వరలోనే దీనిపై అధికారిక ప్రకటన వచ్చే చాన్స్ ఉంది. సముద్రఖని చేసిన దేవుడి పాత్రను పవన్ పోషించనున్నాడు.
ఇక దీనితో పాటుగా సాయిధరమ్ తేజ్ ప్రస్తుతం కార్తిక్ దండు అనే కొత్త దర్శకుడితో ‘విరూపాక్ష’ అనే మిస్టరీ థ్రిల్లర్ చేస్తున్నాడు.శ్రీ వెంకటేశ్వరా సినీ చిత్ర బ్యానర్పై బీవీఎస్ఎన్ ప్రసాద్ ఈ సినిమాను నిర్మిస్తున్నాడు. సుకుమార్ కథ, స్క్రీన్ప్లే అందించడంతో పాటు సహ నిర్మాతగా వ్యవహరిస్తున్నాడు. ఈ చిత్రాన్ని తెలుగుతో పాటు హిందీ, తమిళ, మలయాళ, కన్నడ భాషల్లో వచ్చే ఏడాది ఏప్రిల్ 21న విడుదల కానుంది.
మరిన్ని ఫొటోల కోసం: Ketika Sharma | సరికొత్త పోజులతో హీటెక్కిస్తున్న కేతికా శర్మ..