e-Paper

Advertisement

E-Paper

Apps

Book Your Copy

Visit Telangana Today

Monday, December 6, 2021
Home News పునరుజ్జీవ అమెరికా

పునరుజ్జీవ అమెరికా

  • బైడెన్‌ సర్కార్‌ బృహత్తర ప్రాజెక్టు
  • రూ.148 లక్షల కోట్ల కేటాయింపు
  • రెండో ప్రపంచం యుద్ధం తర్వాత
  • అత్యంత భారీ పెట్టుబడి ఇదే
  • మౌలికరంగాల్లో సమూల మార్పులు
  • చైనాకు మిన్నగా ఎదగడమే లక్ష్యం


వాషింగ్టన్‌, ఏప్రిల్‌ 1: అగ్రరాజ్యం అమెరికాను సంపూర్ణంగా పునర్నిర్మించే బృహత్తర ప్రాజెక్టుకు ఆ దేశ అధ్యక్షుడు జో బైడెన్‌ శ్రీకారం చుట్టారు. బీటలువారుతున్న దేశ ఇన్‌ఫ్రాస్ట్రక్చర్‌ను (మౌలిక వసతులను) మళ్లీ సుధృడం చేసే మహత్తర కార్యక్రమాన్ని బుధవారం ఆవిష్కరించారు. పర్యావరణ విపరిణామాలను తట్టుకునేలా.. సైనికపరంగా, ఆర్థికపరంగా తనకు సవాల్‌ విసురుతున్న చైనాను తన దరిదాపుల్లోకి రాకుండా చేసేలా.. ఏకంగా 2 ట్రిలియన్‌ డాలర్లతో (రూ.146 లక్షల కోట్లు) భారీ పెట్టుబడుల ప్రణాళికను ప్రకటించారు. మౌలిక వసతుల అభివృద్ధికి వచ్చే ఎనిమిదేండ్లలో దీనిని వ్యయం చేయనున్నారు. ఈ మెగా ప్రాజెక్టు ద్వారా లక్షలాది ఉద్యోగాలు వస్తాయని, దేశ ఆర్థిక వ్యవస్థ పుంజుకుంటుందని బైడెన్‌ పేర్కొన్నారు. ప్రపంచంలోనే ధృడమైన ఆర్థిక వ్యవస్థ నిర్మాణానికి ఇది దోహదపడుతుందని చెప్పారు. అమెరికా భవిష్యత్తు కోసం 2 ట్రిలియన్‌ డాలర్లతో ఒకేసారి పెడుతున్న మూలధన పెట్టుబడి ఇది అని పేర్కొన్నారు. ఏటా తుపాన్లు, వరదలు, కార్చిచ్చుల వల్ల సంభవించే కోట్లాది డాలర్ల నష్టం నుంచి ఇది ప్రజలను రక్షిస్తుందని చెప్పారు. రెండో ప్రపంచ యుద్ధం తర్వాత ఉద్యోగాల కల్పనపై అమెరికా పెడుతున్న అతిపెద్ద పెట్టుబడి ఇదేనని తెలిపారు. కార్పొరేట్‌ పన్నును భారీగా పెంచడం ద్వారా పథకానికి నిధులు సమకూర్చనున్నారు.

  • వివిధ రంగాలకు కేటాయింపులు
  • రోడ్లు, రైళ్లు, ఇతర రవాణా మార్గాల అభివృద్ధికి 650 బిలియన్‌ డాలర్లు
  • 32 వేల కిలోమీటర్ల హైవేలు, రహదారులు.. ఆర్థికంగా అత్యంత కీలకమైన 10 బ్రిడ్జ్‌లు, 10 వేల ఇతర వంతెనల ఆధునీకరణ
  • విమానాశ్రయాల కోసం 25 బిలియన్‌ డాలర్లు
  • జలమార్గాలు.. పోర్టుల అభివృద్ధికి 17 బిలియన్‌ డాలర్లు
  • హోం ఇన్‌ఫ్రాస్ట్రక్చర్‌ కోసం 650 బిలియన్‌ డాలర్లు
  • బ్రాడ్‌బ్యాండ్‌, మంచినీరు, విద్యుత్‌ గ్రిడ్‌, నాణ్యమైన గృహ నిర్మాణానికి ఈ నిధులను వెచ్చిస్తారు.
  • ఉత్పత్తి, శిక్షణ, పరిశోధన కోసం 580 బిలియన్‌ డాలర్లు
  • ఇందులో దేశీయంగా సెమీకండక్టర్ల ఉత్పత్తికి 50 బిలియన్‌ డాలర్లు,
  • శుద్ధ ఇంధనంపై పరిశోధన, అభివృద్ధికి 180 బిలియన్‌ డాలర్లు
  • కాలుష్యాన్ని తగ్గించే లక్ష్యంతో ఎలక్ట్రానిక్‌ వాహనాల వాడకానికి ప్రోత్సాహం. దేశవ్యాప్తంగా 5 లక్షల ఎలక్ట్రిక్‌ వెహికల్‌ చార్జర్స్‌ ఏర్పాటు
  • లక్షలాది మంది వృద్ధులు, దివ్యాంగుల సంక్షేమానికి 400 బిలియన్‌ డాలర్లు
  • అమెరికా కార్పొరేట్‌ పన్ను ప్రస్తుతమున్న 21 శాతం నుంచి 28 శాతానికి పెంపు

అమెరికా వెన్నెముకను పునర్నిర్మించేందుకు తరానికి ఒకసారి మాత్రమే వెచ్చించే పెట్టుబడి ఇది. ఇది మౌలికంగా దేశ స్వరూపాన్నే మార్చనున్నది. దేశ ఆర్థికాభివృద్ధితోపాటు లక్షలాది ఉద్యోగాలు కొత్తగా రానున్నాయి.
-బైడెన్‌

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement