భర్త హత్య కేసులో యావజ్జీవ శిక్ష సబబే

నిత్యం మద్యం సేవించి, వేధిస్తున్నాడన్న కారణంతో నిద్రిస్తున్న భర్తను హత్యచేసిన అగురాల లక్ష్మి అలియాస్‌ గౌరికి 2018లో ఆదిలాబాద్‌ జిల్లా కోర్టు విధించిన యావజ్జీవ కారాగార శిక్షను తాజాగా హైకోర్టు సమర్థించింది. ఈ కేసులో నేరాన్ని నిరూపించేందుకు ప్రత్యక్ష సాక్షులు తప్పనిసరి కాదని, ఆ నేరానికి సంబంధించిన గొలుసుకట్టు ఆధారాలు ఉంటే సరిపోతుందని స్పష్టం చేసింది.

• భార్య అప్పీల్‌ను కొట్టివేసిన హైకోర్టు

హైదరాబాద్‌, నవంబర్‌ 2 (నమస్తే తెలంగాణ): నిత్యం మద్యం సేవించి, వేధిస్తున్నాడన్న కారణంతో నిద్రిస్తున్న భర్తను హత్యచేసిన అగురాల లక్ష్మి అలియాస్‌ గౌరికి 2018లో ఆదిలాబాద్‌ జిల్లా కోర్టు విధించిన యావజ్జీవ కారాగార శిక్షను తాజాగా హైకోర్టు సమర్థించింది. ఈ కేసులో నేరాన్ని నిరూపించేందుకు ప్రత్యక్ష సాక్షులు తప్పనిసరి కాదని, ఆ నేరానికి సంబంధించిన గొలుసుకట్టు ఆధారాలు ఉంటే సరిపోతుందని స్పష్టం చేసింది. నిందితురాలికి పిల్లలు ఉన్నారన్న కారణంతో శిక్ష విధింపులో కింది కోర్టు ఉదారంగా వ్యవహరించకపోవడం సరైనదేనని పేర్కొంటూ.. ఆమె అప్పీల్‌ను కొట్టివేసింది. ఈ మేరకు జస్టిస్‌ కే లక్ష్మణ్‌, జస్టిస్‌ కే సుజన ధర్మాసనం ఇటీవల తీర్పు వెలువరించింది. ఈ కేసులో లక్ష్మికి ఈ ఏడాది జూన్‌ 1న ప్రభుత్వం క్షమాభిక్ష ప్రసాదించింది.