Gundellona Song | ఓరి దేవుడా సాంగ్ అప్‌డేట్‌.. గుండెల్లోన లిరిక‌ల్ వీడియో

విశ్వ‌క్ సేన్ (Vishwak Sen), మిథిలా పాల్క‌ర్ హీరోహీరోయిన్లుగా న‌టిస్తున్న ఓరి దేవుడా (Ori Devuda) నుంచి గుండెల్లోన గుండెల్లోన నిన్ను దాచేసి అంటూ సాగే పాట లిరిక‌ల్ వీడియోను మేక‌ర్స్ లాంఛ్ చేశారు.

టాలీవుడ్ (Tollywood) యంగ్ హీరో విశ్వ‌క్ సేన్ (Vishwak Sen), మిథిలా పాల్క‌ర్ హీరోహీరోయిన్లుగా న‌టిస్తున్న చిత్రం ఓరి దేవుడా (Ori Devuda). అశ్వ‌త్ మారిముత్తు ద‌ర్శ‌క‌త్వంలో వ‌స్తున్న ఈ సినిమా నుంచి గుండెల్లోన గుండెల్లోన నిన్ను దాచేసి అంటూ సాగే పాట లిరిక‌ల్ వీడియోను మేక‌ర్స్ లాంఛ్ చేశారు.

గుండెల్లోన గుండెల్లోన నిన్ను దాచేసి అంటూ హీరోయిన్ గురించి హీరో పాడుకుంటున్న ఈ పాట‌ను కాస‌ర్ల శ్యామ్ రాయ‌గా..మ్యూజిక్ కంపోజ‌ర్ అనిరుధ్ ర‌విచంద‌ర్ పాడాడు. లియోన్ జేమ్స్ కంపోజ్ చేశాడు.ఇప్ప‌టికే ఈ సినిమా నుంచి సిద్ శ్రీరామ్ పాడిన‌ ‘అవున‌న‌వా..అవున‌నవా..’ సాంగ్ మ్యూజిక్ ల‌వ‌ర్స్ ను ఆక‌ట్టుకుంటోంది. త‌మిళంలో తెర‌కెక్కిన ఓ మై క‌డ‌వులేకు తెలుగు రీమేక్‌గా ఈ సినిమా వ‌స్తోంది.

 

త‌మిళ వెర్ష‌న్ తెర‌కెక్కించిన అశ్వ‌త్ మారిముత్తు తెలుగులో కూడా డైరెక్ట్ చేస్తున్నాడు. ఈ మూవీలో విక్ట‌రీ వెంక‌టేశ్ దేవుడి పాత్ర‌లో క‌నిపించ‌బోతున్నాడు. ఇప్ప‌టికే విడుద‌లైన గ్లింప్స్ వీడియో సినిమాపై ఆస‌క్తిని రేకెత్తిస్తోంది. ఈ చిత్రంతో బాలీవుడ్ భామ మిథిలా పాల్క‌ర్ తెలుగు ప్రేక్ష‌కుల‌కు ప‌రిచ‌యం అవుతుంది. ఓరి దేవుడా చిత్రాన్ని పీవీపీ సినిమా, శ్రీ వెంక‌టేశ్వ‌ర క్రియేష‌న్స్ బ్యాన‌ర్లు సంయుక్తంగా తెర‌కెక్కిస్తున్నాయి.

Read Also : Shikhar Dhawan | సినిమాల్లోకి శిఖ‌ర్ ధ‌వ‌న్ ఎంట్రీ.. వివ‌రాలు చెప్పిన స్టార్ క్రికెట‌ర్‌

Read Also : Ammu Trailer | ఐశ్వర్య‌ల‌క్ష్మి కొత్త సినిమా.. గృహ‌హింస నేప‌థ్యంలో అమ్ము ట్రైల‌ర్‌

Read Also : Raghu Babu Look | రంగంపేట ప్రెసిడెంట్‌గా ర‌ఘుబాబు..జిన్నా నుంచి లేటెస్ట్ లుక్‌