Bathukamma Celebrations | దక్షిణాఫ్రికాలో ఘనంగా సద్దుల బతుకమ్మ సంబరాలు

Bathukamma Celebrations | దేవీ నవరాత్రుల సందర్భంగా ఎస్‌ఎస్‌డీసీవో దక్షిణాఫ్రికా ఆధ్వర్యంలో నిర్వహించిన సద్దుల బతుకమ్మ వేడుకలు ఘనంగా ముగిశాయి.

దక్షిణాఫ్రికా : దేవీ నవరాత్రుల సందర్భంగా ఎస్‌ఎస్‌డీసీవో దక్షిణాఫ్రికా( South Africa ) ఆధ్వర్యంలో నిర్వహించిన సద్దుల బతుకమ్మ వేడుకలు ( Bathukamma Celebrations ) ఘనంగా ముగిశాయి. నాగయ్యాస్‌ మాల్‌లోని దేవీ మండపంలో జరిగిన వేడుకల్లో 650 మందికి పైగా తెలుగు ప్రజలు ఉల్లాసంగా హాజరయ్యారు.

దేవీ నవరాత్రుల్లో నిత్య పూజలు, ప్రత్యేక వైదిక క్రతువులు నిర్వహించేందుకు ఇండియా నుంచి వచ్చిన వేద పండితులు మనోహర్‌ శర్మ ప్రత్యేకంగా హాజరై పూజలు చేశారు. పూలతో ప్రకృతిని ఆరాధిస్తూ, గౌరమ్మను కొలిచే తెలంగాణ పండుగ బతుకమ్మ పండుగని నిర్వాహ కులు అన్నారు.అరవింద్‌ చికోటి సమన్వయంతో బీఆర్‌ఎస్‌ ఎన్నారై శ్రేణులు పాల్గొన్నారు.

విదేశీ గడ్డపై తెలంగాణ సంస్కృతి, సంప్రదాయాలను చాటుతూ కుటుంబాలు, మిత్రులతో కలిసి జరుపుకున్న వేడుకలు తెలుగు ప్రజల ఐక్యతకు అద్దం పట్టాయి. కమిటీ సభ్యులు అరుణ్‌ సుంకు, రాజేష్‌ యార్లగడ్డ, శ్రీధర్‌ బొల్లోజు, సాతులూరి లక్ష్మీ శ్రీనివాస్‌, నిర్మల్‌ నల్లు ఏర్పాట్లను పరిశీలించారు. కేప్‌టౌన్‌ తెలుగు అసోసియేషన్‌ ఆధ్వర్యంలో, చేతన్‌ కొరోబోయిన సమన్వయంతో కేప్‌టౌన్‌లో కూడా బతుకమ్మ సంబరాలు ఘనంగా జరిగాయి.