Drishyam 3 | ‘దృశ్యం 3’కు ఊహించని క్రేజ్.. ఒక్క రోజులోనే 20 లక్షలకు పైగా టికెట్ల బుకింగ్స్?
Drishyam 3 | బాలీవుడ్ ప్రేక్షకులు ఎంతో ఆసక్తిగా ఎదురుచూస్తున్న చిత్రాల్లో ‘దృశ్యం 3’ కూడా ఒకటి. అజయ్ దేవగన్ ప్రధాన పాత్రలో, టబు, శ్రీయ శరన్ తదితరులు కీలక పాత్రల్లో నటించిన ఈ సస్పెన్స్ క్రైమ్ థ్రిల్లర్ థియేటర్లలోకి వచ్చినట్లు సమాచారం. ఇప్పటికే ఈ ఫ్రాంచైజ్కు ఉన్న క్రేజ్తో సినిమాపై భారీ అంచనాలు నెలకొనగా, విడుదలకు ముందే ప్రీ-బుకింగ్స్లో కనిపించిన స్పందన ఇప్పుడు సినీ వర్గాల్లో చర్చనీయాంశంగా మారింది.
Drishyam 3 | బాలీవుడ్ ప్రేక్షకులు ఎంతో ఆసక్తిగా ఎదురుచూస్తున్న చిత్రాల్లో ‘దృశ్యం 3’ కూడా ఒకటి. అజయ్ దేవగన్ ప్రధాన పాత్రలో, టబు, శ్రీయ శరన్ తదితరులు కీలక పాత్రల్లో నటించిన ఈ సస్పెన్స్ క్రైమ్ థ్రిల్లర్ థియేటర్లలోకి వచ్చినట్లు సమాచారం. ఇప్పటికే ఈ ఫ్రాంచైజ్కు ఉన్న క్రేజ్తో సినిమాపై భారీ అంచనాలు నెలకొనగా, విడుదలకు ముందే ప్రీ-బుకింగ్స్లో కనిపించిన స్పందన ఇప్పుడు సినీ వర్గాల్లో చర్చనీయాంశంగా మారింది. ‘దృశ్యం 3’ విడుదలకు ముందు నుంచే అడ్వాన్స్ బుకింగ్స్కు మంచి స్పందన లభించినట్లు సమాచారం. ముఖ్యంగా బుక్మైషోలో టికెట్ విక్రయాలు భారీ స్థాయిలో నమోదైనట్లు ట్రేడ్ వర్గాల్లో ప్రచారం జరుగుతోంది.
విడుదల రోజునే బుక్మైషోలో 10 లక్షలకు పైగా టికెట్లు విక్రయమైనట్లు చెబుతున్నారు. అంతకుముందే 8 లక్షలకు పైగా టికెట్ల అమ్మకాలు నమోదైనట్లు సమాచారం. దీంతో ప్రీ-బుకింగ్స్, రిలీజ్ డే బుకింగ్స్ కలిపి సుమారు 20 లక్షల టికెట్ల మార్క్ను దాటినట్లు ప్రచారం జరుగుతోంది. ఒకే భాషలో విడుదలైన ఓ చిత్రానికి ఈ స్థాయిలో బుకింగ్స్ నమోదు కావడం సినీ వర్గాల్లో ఆసక్తిని పెంచుతోంది. సాధారణంగా భారీ బడ్జెట్ పాన్ ఇండియా చిత్రాలు పలు భాషల్లో విడుదలై పెద్ద స్థాయిలో ప్రేక్షకులను ఆకర్షిస్తుంటాయి. అయితే ‘దృశ్యం 3’ మాత్రం ప్రధానంగా హిందీ మార్కెట్లోనే ఈ స్థాయి స్పందనను అందుకుంటున్నట్లు తెలుస్తోంది.
సినిమాకు ప్రేక్షకుల నుంచి పాజిటివ్ స్పందన వస్తోందనే ప్రచారం కూడా బుకింగ్స్కు మరింత ఊపునిస్తున్నట్లు తెలుస్తోంది. ‘దృశ్యం’ ఫ్రాంచైజ్కు ఇప్పటికే దేశవ్యాప్తంగా ప్రత్యేకమైన అభిమాన వర్గం ఉంది. ముఖ్యంగా మొదటి రెండు భాగాల్లో కథను నడిపించిన సస్పెన్స్, క్రైమ్ అంశాలు ప్రేక్షకుల్లో ఆసక్తిని పెంచాయి. అదే ఆసక్తి మూడో భాగంపై కూడా కనిపిస్తోందని ట్రేడ్ వర్గాలు చెబుతున్నాయి. కథలో కొత్త మలుపులు, పాత్రల మధ్య సంఘర్షణ, సస్పెన్స్ అంశాలు సినిమాకు ప్రధాన బలంగా నిలిచాయని ప్రేక్షకుల స్పందన ద్వారా తెలుస్తోంది. తొలి రోజు బుకింగ్స్తోనే భారీ క్రేజ్ కనిపిస్తుండటంతో ఇప్పుడు అందరి దృష్టి వీకెండ్ వసూళ్లపై పడింది. శనివారం, ఆదివారం రోజుల్లో బుకింగ్స్ మరింత పెరిగే అవకాశం ఉందనే అంచనాలు వ్యక్తమవుతున్నాయి. ముఖ్యంగా మౌత్ టాక్ మరింత బలపడితే సినిమాకు హిందీ మార్కెట్లో లాంగ్ రన్ దక్కే అవకాశం ఉంటుందని ట్రేడ్ వర్గాల్లో చర్చ జరుగుతోంది.
Read Today's Latest News News in Telugu and Telugu News
RELATED ARTICLES
తాజా వార్తలు
Venky Atluri | నాని లేదా విజయ్ దేవరకొండ.. వెంకీ అట్లూరి నెక్స్ట్ మూవీ ఎవరితో అంటే…!
BJP MLA | ఏపీ కూటమీలో లుకలుకలు.. రాజీనామా ఆలోచనలో బీజేపీ ఎమ్మెల్యే
Tollywood | టాలీవుడ్లో మళ్లీ పైరసీ కలకలం.. ‘ఆకాశంలో ఒక తార’ సహా నాలుగు కొత్త సినిమాల లీక్!
Tirumala | తిరుమలలో తగ్గిన భక్తుల రద్దీ..సర్వదర్శనానికి నాలుగు గంటల సమయం
Kaishika Dwadashi | తిరుమల శ్రీవారి ఆలయంలో వైభవంగా కైశిక ద్వాదశి ఆస్థానం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

