Surya Prabha Vahanam | సూర్యప్రభ వాహనంపై శ్రీ మలయప్పస్వామి దివ్యదర్శనం

Surya Prabha Vahanam | శ్రీవారి నవరాత్రి బ్రహ్మోత్సవాలు తిరుమల లో వైభవంగా కొనసాగుతున్నాయి. ఏడో రోజు ఆదివారం శ్రీ మలయప్పస్వామివారు సూర్యప్రభ వాహనంపై భక్తులకు దర్శనమిచ్చారు.

తిరుమల : శ్రీవారి నవరాత్రి బ్రహ్మోత్సవాలు తిరుమల ( Tirumala ) లో వైభవంగా కొనసాగుతున్నాయి. ఏడో రోజు ఆదివారం శ్రీ మలయప్పస్వామివారు సూర్యప్రభ వాహనం ( Surya Prabha Vahanam ) పై భక్తులకు దర్శనమిచ్చారు. సూర్యభగవానుడు సకల జీవరాశులకు చైతన్యాన్ని, ప్రకృతికి వెలుగును, జీవకోటికి శక్తిని ప్రసాదించే ఆరోగ్యప్రదాతగా పూజలందుకుంటున్నారని అర్చకులు వివరించారు.

సూర్యతేజంతోనే చంద్రుడు సైతం ప్రకాశిస్తున్నాడని పురాణాలు చెబుతున్నాయని వివరించారు. రాత్రి చంద్రప్రభ వాహనంపై స్వామివారి విహారిస్తారని వెల్లడించారు. ఈ కార్యక్రమంలో తిరుమల పెద్దజీయర్ స్వామి, చిన్నజీయర్ స్వామి, టీటీడీ ఈవో ముద్దాడ రవిచంద్ర, అదనపు ఈవో సీహెచ్ వెంకయ్య చౌదరి, బోర్డు సభ్యులు నన్నపనేని సదాశివరావు, జానకీ దేవి, సీవీఎస్వో శ్రీ మురళీకృష్ణ, ఇతర అధికారులు పాల్గొన్నారు.