Ruturaj Gaikwad | ఘనంగా క్రికెటర్‌ రుతురాజ్‌ గైక్వాడ్‌ పెండ్లి.. ఫొటోలు

చెన్నై సూపర్‌ కింగ్స్‌ (CSK) ఓపెనర్‌, టీమ్‌ఇండియా (TeamIndai) క్రికెటర్‌ రుతురాజ్‌ గైక్వాడ్‌ (Ruturaj Gaikwad) ఓ ఇంటివాడయ్యాడు.

శనివారం తన ప్రేయసి ఉత్కర్ష పవార్‌ను (Utkarsha Pawar) ముంబైలోని ఓ ఫంక్షన్‌ హాల్‌లో వివాహమాడాడు.

గైక్వాడ్‌ ప్రేయసి ఉత్కర్ష కూడా క్రికెటరే. ఆమె దేశవాళీ క్రికెట్‌లో మహారాష్ట్ర మహిళల జట్టు తరఫున ఆల్‌రౌండర్‌గా ప్రాతినిధ్యం వహించింది.

ఉత్కర్ష పవార్‌ 1998 అక్టోబర్‌ 13న మహారాష్ట్రలోని పుణెలో జన్మించింది. మహారాష్ట్ర తరఫున దేశవాలీ క్రికెట్‌ ఆడింది. 10 మ్యాచ్‌లు ఆడిన ఉత్కర్ష.. 5 వికెట్లు పడకొట్టింది.

ప్రస్తుతం పుణెలోని ఇన్‌స్టిట్యూట్‌ ఆఫ్‌ న్యూట్రీషన్‌ అండ్‌ ఫిట్‌నెస్‌ సైన్సెస్‌లో విద్యను అభ్యసిస్తోంది.

రుతురాజ్‌ గైక్వాడ్, ఉత్కర్ష ఇద్దరూ గత రెండేండ్లుగా ప్రేమలో ఉన్నట్లు తెలుస్తున్నది.

రెండేండ్లుగా ప్రేమలో ఉన్న ఈ జంట తాజాగా వివాహబంధంలోకి అడుగుపెట్టారు.

పెండ్లి ఫొటోలను తాజాగా రుతురాజ్‌ సోషల్‌ మీడియాలో పోస్టు చేయగా.. అవి వైరల్‌గా మారాయి.

రుతురాజ్‌ పెండ్లి ఫొటోలు చూసిన సెలబ్రెటీలు, నెటిజన్లు కొత్త జంటకు శుభాకాంక్షలు చెబుతున్నారు.

ఈ స్టార్‌ ఓపెనర్‌ చెన్నై సూపర్‌ కింగ్స్‌ జట్టు ఐదోసారి ఐపీఎల్ (IPL) ట్రోఫిని సొంతం చేసుకోవడంలో కీలకపాత్ర విషయం తెలిసిందే.