Visit:
నాగర్ కర్నూల్ : నాగర్ కర్నూల్ జిల్లా కొల్లాపూర్ నియోజక వర్గంలోని కోడేర్ మండలంలో సర్పంచ్ నామినేషన్ల మొదటిరోజు కాంగ్రెస్ పార్టీకి గట్టి ఎదురు దెబ్బ తగిలింది. బీఆర్ఎస్ పార్టీ రాష్ట్ర నాయకులు
దూరెడ్డి రఘువర్ధన్ రెడ్డి సమక్షంలో కాంగ్రెస్ పార్టీ నాయకులు కొమ్మరే బొజ్జన్న ఆదివారం చేరారు. ఆయనకు రఘువర్ధన్ రెడ్డి గులాబీ కండువా కప్పి పార్టీలోకి సాదరంగా ఆహ్వానించారు. కాంగ్రెస్ పార్టీ ఎన్నికల ముందు హామీలు మాత్రమే ఇచ్చి ఎన్నికల అనంతరం మోసం చేసిందని కొమ్మరే బొజ్జన్న విమర్శించారు.
నియోజవర్గాన్ని అన్ని రంగాలలో అభివృద్ధి చేసిన మాజీ ఎమ్మెల్యే బీరం హర్షవర్ధన్ రెడ్డిని మళ్లీ ఎమ్మెల్యేగా చేసేందుకు, కొల్లాపూర్ గడ్డపై గులాబీ జెండాను ఎగరవేసేందుకు గులాబీ పార్టీలో చేరుతున్నట్లు ప్రకటించారు. కోడేరు మండలంలో కాంగ్రెస్ పార్టీని స్థానిక ఎన్నికలలో బొంద పెట్టి అత్యధిక సర్పంచ్ స్థానాలలో గులాబీ జెండాను ఎగరవేస్తామని వారు వెల్లడించారు. ఈ కార్యక్రమంలో బీఆర్ఎస్ పార్టీ గ్రామ అధ్యక్షులు శ్రీశైలం, యాపట్ల శేఖర్, ఆర్‌కే రామకృష్ణ, మాజీ వార్డు మెంబర్ బాలస్వామి, నండిపల్లి శేఖర్ రెడ్డి, లక్ష్మీకాంత్, కొమ్మారె రాజు, తుక్కదిన్నె రాజు, ఇరుగద్దిన్నెల వెంకటేష్ , ధర్మేష్, మైయిబుసు మహేష్ , బీఆర్ఎస్ సోషల్ మీడియా నాయకుడు యాపచెట్టు లాలు, తదితరులు పాల్గొన్నారు.
