9 మంది ధరణి ఆపరేటర్స్‌ అరెస్టు?

తెలంగాణ సీఐడీ అధికారులు హైదరాబాద్‌ నగర పరిసరాల్లో రెండ్రోజులుగా సీక్రెట్‌ ఆపరేషన్‌ నిర్వహించి తొమ్మిది మంది ధరణి ఆపరేటర్లను అరెస్టు చేశారని తెలిసింది.

• సీఐడీ సెట్‌ రహస్య ఆపరేషన్‌!

హైదరాబాద్‌, నవంబర్‌ 6 (నమస్తే తెలంగాణ): తెలంగాణ సీఐడీ అధికారులు హైదరాబాద్‌ నగర పరిసరాల్లో రెండ్రోజులుగా సీక్రెట్‌ ఆపరేషన్‌ నిర్వహించి తొమ్మిది మంది ధరణి ఆపరేటర్లను అరెస్టు చేశారని తెలిసింది. గత ప్రభుత్వ హయాంలో తీసుకొచ్చిన ధరణి పోర్టల్‌ ద్వారా అక్రమాలు జరిగాయని ఆరోపిస్తూ.. కాంగ్రెస్‌ ప్రభుత్వం అసెంబ్లీ సాక్షిగా స్పెషల్‌ ఎంక్వైరీ టీమ్‌ (సెట్‌)ను ఏర్పాటు చేసిన విషయం తెలిసిందే. దీంతో ధరణిపై దర్యాప్తు చేపట్టిన సెట్‌ అధికారులు హైదరాబాద్‌ పరిసరాల్లోని రంగారెడ్డి, యాదాద్రి భువనగిరి, గజ్వేల్‌ వంటి ప్రాంతాల్లో ఈ అరెస్టులు చేసినట్టు సమాచారం. తమవారిని పోలీసులు అక్రమంగా అరెస్టు చేశారని, వారి ఆచూకీ తక్షణం తెలుపాలని డిమాండ్‌ చేస్తూ.. బాధిత కుటుంబాలకు చెందిన వారు హెబియస్‌ కార్పస్‌ పిటిషన్‌ దాఖలు చేసినట్టు తెలిసింది.