సీబీఎస్‌ఈ 10, 12 తరగతుల పరీక్షల షెడ్యూల్‌ విడుదల

సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) 10, 12 తరగతుల పరీక్షలు-2027 టైమ్‌ టేబుల్‌ను శుక్రవారం విడుదల చేసింది.

న్యూఢిల్లీ, నవంబర్‌ 6: సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) 10, 12 తరగతుల పరీక్షలు-2027 టైమ్‌ టేబుల్‌ను శుక్రవారం విడుదల చేసింది. 10వ తరగతి బోరు ్డపరీక్షలు 2027 ఫిబ్రవరి 17 నుంచి మార్చి 9 వరకు, 12వ తరగతి పరీక్షలు 2027 ఫిబ్రవరి 16 నుంచి ఏప్రిల్‌ 1 వరకు జరుగుతాయని, పరీక్షలు ప్రతిరోజూ ఉదయం 10.30 గంటల నుంచి ప్రారంభం అవుతాయని అధికారులు తెలిపారు.

పరీక్షల సన్నద్ధతకు ఇంకా 101 రోజుల వ్యవధి ఉందన్నారు. 10వ తరగతి బోర్డు పరీక్షలకు 26.5 లక్షల మంది, 12వ తరగతి పరీక్షలకు 19.8 లక్షల మంది హాజరవుతారు. 10వ తరగతి విద్యార్థులు 83 సబ్జెక్టుల్లో, 12వ తరగతి వారు 121 సబ్జెక్టుల్లో పరీక్ష రాస్తారు.