ఈ 8 చెడు అలవాట్లు మానుకోండి.. ఆయుష్షు పెంచుకోండి..!

సాధారణంగా ప్రతీ ఒక్కరికి ఏదో ఒక అలవాటు ఉంటుంది. ఆ అలవాటు మన ఆరోగ్యానికి చెడు చేసేది అయితే దాన్ని తొందరగా దూరం చేసుకోవడం ఉత్తమం

April 19, 2021 / 05:39 PM IST

ఈ 8 చెడు అలవాట్లు మానుకోండి.. ఆయుష్షు పెంచుకోండి..!

సాధారణంగా ప్రతీ ఒక్కరికి ఏదో ఒక అలవాటు ఉంటుంది. ఆ అలవాటు మన ఆరోగ్యానికి చెడు చేసేది అయితే దాన్ని తొందరగా దూరం చేసుకోవడం ఉత్తమం. కొన్ని అలవాట్ల కారణంగా మనం త్వరగా వృద్ధాప్యంలోకి వెళ్లిపోతామంటున్నారు పరిశోధకులు. మనం నియంత్రించుకోగల అనేక అలవాట్లు ఉన్నాయని సెలవిస్తున్నారు నిపుణులు.

ఒకేసారి ఎక్కువ పనులు, ధూమపానం, ఎక్కువ తీపి ఆహార పదార్థాలు తినడం, నిద్రకు దూరమవడం, ఎక్కువసేపు ఒకేచోట కూర్చోవడం వంటి అలవాట్ల వల్ల మానవులు 10 నుంచి 13 సంవత్సరాల వయసును కోల్పోతున్నారని దక్షిణ కాలిఫోర్నియా యూనివర్శిటీ పరిశోధకులు నివేదించారు. మన వయసును తగ్గించే ఎనిమిది అలవాట్ల గురించి తెలుసుకుందాం.

ఎక్కువ పని గంటలు : రోజులో ఎక్కువ పని గంటల ఉద్యోగం చేయడం ద్వారా జీవితకాలం 8 సంవత్సరాలకు తగ్గుతుంది. ఒకేసారి ఎక్కువ గంటలు పనిచేయడం వల్ల కలిగే ఒత్తిడి శరీరాన్ని తీవ్రంగా ప్రభావితం చేస్తుంది.

తక్కువగా నిద్ర : రోజూ 7 గంటలపాటు నిద్రించడం అవసరం. తక్కువ నిద్రపోవడం మనస్సును అలసిపోయేలా చేస్తుంది. శరీరం బరువును పెంచుతుంది. ప్రాణాంతకం కూడా. నిద్ర సక్రమంగా లేకపోవడం జీవితం తగ్గిపోతుంది.

ఎక్కువ సేపు కూర్చోవడం : ఎక్కువసేపు కూర్చునే వారిలో మూత్రపిండాలు, గుండె జబ్బులు వచ్చే అవకాశాలు ఎక్కువ. క్యాన్సర్ వచ్చే ప్రమాదం ఉంటుంది. క్రమం తప్పకుండా వ్యాయామంతో దీనిని నివారించుకోవచ్చు.

ధూమపానం వద్దే వద్దు : ధూమపానం పొడిబారిన చర్మానికి కారణమవుతుంది. ముఖం మీద ముడతలు వస్తాయి. శరీరంలో విటమిన్ సీ స్థాయి తగ్గుతుంది. ఫలితగా చర్మం తేమను నిర్వహించదు. ధూమపానం ఒక వ్యక్తి వయస్సును 10 సంవత్సరాలు తగ్గిస్తుంది.

హెడ్‌ఫోన్స్‌లో పెద్ద శబ్దంతో వినడం : హెడ్‌ఫోన్స్‌ వినియోగించి ఎక్కువ శబ్దంతో సంగీతం, పాటలు వినే వ్యక్తులకు వినికిడి సామర్థ్యం క్రమంగా తగ్గుతుంది. హెడ్‌ఫోన్‌లలో అధిక పరిమాణంలో వినడం చాలా హానికరం. వీటి వల్ల రోడ్డు ప్రమాదాలు కూడా జరుగుతాయి.

అలంకరణ వస్తువులతో జాగ్రత్త : ఎక్కువ వాసన, రసాయనంతో కూడిన అలంకరణ ఉత్పత్తుల్లో ఆల్కహాల్ ఎక్కువగా ఉంటుంది. ఇది చర్మంలో దురదకు కారణమవుతుంది. దీనివల్ల ముఖం మీద ముడతలు వస్తాయి. మనం కోరుకుండానే వృద్ధాప్యం ముంచుకొస్తుంది.

తీపి వస్తువులకు బైబై : ఎక్కువ తీపి వస్తువులు తినడం మానుకోవాలి. వీటి కారణంగా శరీరం బరువు పెరుగుతుంది. వయస్సు తగ్గుతుంది. చక్కెర అణువులు చర్మ కణాలను కఠినంగా మారుస్తాయి.

ఫాస్ట్‌ఫుడ్ తినడం : ఫాస్ట్‌ఫుడ్ కొవ్వును పెంచుతుంది. వీటిని తరుచుగా తినడం వల్ల పలు ఆరోగ్య సమస్యలు ఎదుర్కోవాల్సి వస్తుంది. ఇవి మన వయస్సును ఆరు సంవత్సరాలకు తగ్గిస్తుంది.