ఏపీలో రూ.81 లక్షలకు సర్పంచ్‌ ఏకగ్రీవం

ఏపీలో పంచాయతీ ఎన్నికల నామినేషన్లు ప్రారంభం కాకముందే ఏకగ్రీవాల పర్వం ఊపందుకుంది.ఎన్నికల ఖర్చులు, వివాదాలు లేకుండా ఏకగ్రీవాల వైపు గ్రామస్తులు సర్పంచ్‌ పదవుల కోసం వేలం పాటలు నిర్వహిస్తున్నారు. పల్నాడు జిల్లా నరసరావుపేట మండలం జొన్నలగడ్డలో సర్పంచ్‌ పదవికి వేలం పాట నిర్వహించారు.

హైదరాబాద్‌, నవంబర్‌ 15 (నమస్తే తెలంగాణ): ఏపీలో పంచాయతీ ఎన్నికల నామినేషన్లు ప్రారంభం కాకముందే ఏకగ్రీవాల పర్వం ఊపందుకుంది.ఎన్నికల ఖర్చులు, వివాదాలు లేకుండా ఏకగ్రీవాల వైపు గ్రామస్తులు సర్పంచ్‌ పదవుల కోసం వేలం పాటలు నిర్వహిస్తున్నారు. పల్నాడు జిల్లా నరసరావుపేట మండలం జొన్నలగడ్డలో సర్పంచ్‌ పదవికి వేలం పాట నిర్వహించారు. ఐదువేల జనాభా ఉన్న ఈ పంచాయతీకి తొలి విడతలో ఎన్నికలు జరగాల్సి ఉంది. ఎన్నికలు జరగకుండా ఏకగ్రీవం చేసేందుకు రెండు ప్రధాన పార్టీల నేతలు నిర్ణయించారు. సర్పంచ్‌ పదవి కోసం ముగ్గురు పోటీ పడటంతో, వేలం పాటలో గోపాలరావు రూ.77లక్షలు ఇచ్చేందుకు ముందుకు రాగా.. ఆయన కంటే యర్రా శ్రీనివాసరావు రూ.81 లక్షలు ఇచ్చేందుకు అంగీకరించారు. దీంతో ఏకగ్రీవంగా శ్రీనివాసరావును గ్రామస్తులు తీర్మానించారు.