‘ఊర్వసివో రాక్షసివో’ నుండి రొమాంటిక్‌ మెలోడి సాంగ్‌ రిలీజ్‌..!

Urvasivo Rakshasivo Movie | అల్లుశిరీష్ ప్రస్తుతం ఒక మంచి హిట్ కోసం ఎదురు చూస్తున్నాడు. ప్రస్తుతం ఈయన నటించిన ఊర్వసివో రాక్షసివో రిలీజ్‌కు సిద్ధంగాఉంది. రాకేశ్‌ శశి దర్శకత్వం వహించాడు. ఇప్పటికే రిలీజైన టీజర్‌ సినిమాపై భారీ అంచనాలు క్రియేట్‌ చేసింది.

October 23, 2022 / 09:54 AM IST

‘ఊర్వసివో రాక్షసివో’ నుండి రొమాంటిక్‌ మెలోడి సాంగ్‌ రిలీజ్‌..!

Urvasivo Rakshasivo Movie | టాలీవుడ్‌ యంగ్‌ హీరో అల్లు శిరీష్ మూడేళ్ళు గ్యాప్‌ తీసుకుని ‘ఊర్వసివో రాక్షసివో’ సినిమాతో ప్రేక్షకుల ముందుకు రావడానికి సిద్ధమయ్యాడు. రాకేశ్‌ శశి దర్శకత్వం వహించిన ఈ చిత్రం గతేడాదే షూటింగ్‌ పూర్తి చేసుకుంది. కానీ పలు కారణాల వల్ల విడుదల వాయిదా పడుతూ వచ్చింది. మొదట్లో ఈ చిత్రానికి ‘ప్రేమ కాదంట’ అనే టైటిల్‌ను ప్రకటించారు. ఇక ఇటీవలే టైటిల్‌ పేరునూ మారుస్తూ కొత్త పోస్టర్‌ను రిలీజ్‌ చేశారు. రోమ్‌-కామ్‌ ఎంటర్‌టైనర్‌గా తెరకెక్కిన ఈ చిత్రం నవంబర్‌ 4న రిలీజ్‌ కానుంది. ఈ క్రమంలో చిత్రబృందం వరుస అప్‌డేట్‌లను ప్రకటిస్తూ సినిమాపై క్యూరియాసిటీ పెంచుతున్నారు. తాజాగా మేకర్స్ మరో అప్‌డేట్‌ ప్రకటించారు.

తాజాగా ఈ చిత్రం నుండి ‘కలిసుంటే’ అంటూ సాగే మెలొడీ సాంగ్‌ రిలీజైంది. ఈ పాటలో అల్లు శిరీష్‌, అను ఇమ్మాన్యూయేల్‌ మధ్య కెమెస్ట్రీ బాగుంది. అచ్చు రాజమణి స్వర పరిచిన ఈ పాటను కేకే రచించగా.. ఆర్మాన్ మాలిక్‌ ఆలపించాడు. ఇది వరకే రిలీజైన మాయరే, దీంతానా సాంగ్‌లకు విశేష స్పందన వచ్చింది. ఈ చిత్రాన్ని జీఏ-2 పిక్చర్స్‌, శ్రీ తిరుమల ప్రొడక్షన్స్‌ సంయుక్తంగా ఈ చిత్రాన్ని నిర్మిస్తున్నాయి. శిరీష్‌కు జోడీగా అను ఇమ్మాన్యూయెల్‌ హీరోయిన్‌గా నటించింది.