ఈశాన్య భారతాన్ని వణించిన భూకంపం
అసోంలో వరుస భూకంపాలు | అసోంలో బుధవారం ఉదయం భారీ భూకంపం సంభవించింది.
దిస్పూర్‌ : ఈశాన్య భారతాన్ని భూకంపం వణికించింది. అసోంలో బుధవారం ఉదయం భారీ భూకంపం సంభవించింది. ఆ తర్వాత మరో రెండు సార్లు భూమి కంపించింది. ఉదయం 7.51 గంటల ప్రాంతంలో సోనిత్‌పూర్‌లో రిక్టర్‌ స్కేల్‌పై 6.4 తీవ్రతతో ప్రకంపనలు వచ్చాయని నేషనల్‌ సెంటర్‌ ఫర్‌ సీస్మోలజీ తెలిపింది. ఆ తర్వాత 8.13 గంటలకు.. 08.34 గంటలకు మూడోసారి ప్రకంపనలు వచ్చాయి. అయితే భూకంపంతో ప్రాణ, ఆస్తి నష్టం జరిగినట్లు ఇప్పటి వరకు ఎలాంటి నివేదికలు అందలేదని అధికారులు తెలిపారు. వరుసగా మూడుసార్లు ప్రకంపనలు రావడంతో స్థానికులు భయాందోళనకు గురై, ఇండ్ల నుంచి బయటకు పరుగులు పెట్టారు. మొదట రిక్టర్‌ స్కేల్‌పై 6.4 తీవ్రతతో వచ్చిన భూకంపంతో ఉత్తర బెంగాల్‌లోనూ ప్రకంపనలు వచ్చాయి.
కూచ్‌ బెహార్‌, మాల్దా, జల్పాయిగురి, సిలిగురి, ముర్షిదాబాద్‌ తదితర ప్రాంతాల్లో భూమి కంపించింది. అలాగే మేఘాలయలోనూ పలు ప్రాంతాలోనూ ప్రభావం కనిపించింది.భూపంక కేంద్రాన్ని తేజ్‌పూర్‌కు పశ్చిమ నైరుతి దిశలో 43 కిలోమీటర్ల దూరంలో భూపంక కేంద్రాన్ని గుర్తించినట్లు సెంటర్‌ ఫర్‌ సీస్మోలజీ తెలిపింది. భూకంపంపై సీఎం సర్బానంద సోనావాల్‌స్పందించారు. అసోంలో భారీ భూకంపం వచ్చిందని, అందరు క్షేమంగా ఉండాలని ప్రార్థిస్తున్నానన్నారు. వరుస ప్రకంపనల నేపథ్యంలో ప్రతి ఒక్కరూ అప్రమత్తంగా ఉండాలని సూచించారు. అన్ని జిల్లాల నుంచి నివేదికలు తెప్పిస్తున్నట్లు చెప్పారు. భారీగా వచ్చిన ప్రకంపనలతో భవనాలు దెబ్బతిన్నాయి. ఫొటోలను హిమంత బిశ్వ శర్మ ట్వీట్‌ చేశారు. ఇదిలా ఉండగా బిహార్‌లోనూ రాత్రి 2.29 గంటల సమయంలోనూ రిక్టర్‌ స్కేల్‌పై 6.1 తీవ్రతతో బలమైన ప్రకంపనలు వచ్చాయి. కతిహార్‌, కిసాన్‌గంజ్‌, ఖడ్జియా ప్రాంతాల్లో భూమి కంపించగా.. రాగా.. ఎన్‌సీఎస్‌ ధ్రువీకరించలేదు.
ఇవి కూడా చదవండి..
భారత్‌కు తక్షణ సహాయం : అమెరికా అధ్యక్షుడు జో బైడెన్‌
కరోనా 617 వేరియంట్లపై కొవాగ్జిన్‌ ప్రభావవంతం : ఆంథోనీ ఫౌసీ
తెలంగాణకు రెండు రోజులు వర్ష సూచన
కరోనాతో ప్రధాని పిన్ని కన్నుమూత
కెనడాలో ఆస్ట్రాజెనెకా వ్యాక్సిన్‌ తీసుకున్న మహిళ మృతి
Read Today's Latest News News in Telugu and Telugu News
- Follow Us :
-
