ITBP | 282 మెడికల్‌ ఆఫీసర్‌ పోస్టులు

ITBP | కేంద్ర సాయుధ దళాల్లో ఖాళీగా ఉన్న మెడికల్‌ ఆఫీసర్‌ పోస్టులకు అభ్యర్థుల నుంచి దరఖాస్తులు ఆహ్వానిస్తుంది. అర్హులైనవారు దరఖాస్తు చేసుకోవాలి.

ITBP | సెంట్రల్‌ ఆర్మ్‌డ్‌ పోలీస్‌ ఫోర్సెస్‌ (బీఎస్‌ఎఫ్‌, సీఆర్‌పీఎఫ్‌, ఐటీబీపీ, ఎస్‌ఎస్‌బీ), అస్సాం రైఫిల్స్‌లో 282 మెడికల్‌ ఆఫీసర్‌ పోస్టులకు నోటిఫికేషన్‌ విడులైంది. ఈ నోటిఫికేషన్‌ను ఇండో-టిబెటన్‌ బోర్డర్‌ పోలీస్‌ (ITBP) విడుదల చేసింది. వీటికి ఆగస్టు 10 నుంచి సెప్టెంబర్‌ 8 వరకు దరఖాస్తు చేసుకోవాలి.

ఖాళీల వివరాలు
మెడికల్‌ ఆఫీసర్‌ (అసిస్టెంట్‌ కమాండెంట్‌) 115, స్పెషలిస్ట్‌ మెడికల్‌ ఆఫీసర్‌ (డిప్యూటీ కమాండెంట్‌) 162, సూపర్‌ స్పెషలిస్ట్‌ మెడికల్ ఆఫీసర్‌ (సెకండ్‌ ఇన్‌ కమాండ్‌) 5 ఖాళీలు ఉన్నాయి. ఈ ఖాళీలు మెడిసిన్‌, సర్జరీ, గైనకాలజీ అండ్‌ అబ్‌స్టెట్రిక్స్‌, అనస్థీషియా, రేడియాలజీ, ఆప్తాల్మాలజీ విభాగాల్లో ఉన్నాయి.

అర్హతలు
మెడికల్‌ ఆఫీసర్‌ పోస్టులకు ఎంబీబీఎస్‌ ఉత్తీర్ణులై ఉండాలి. స్పెషలిస్ట్‌, సూపర్‌ స్పెషలిస్ట్‌ మెడికల్‌ ఆఫీసర్‌ పోస్టులకు సంబంధిత కోర్సులో పోస్టుగ్రాడ్యుయేషన్‌ చేసి ఉండాలి. వయసు 30 నుంచి 50 ఏండ్లలోపు ఉండాలి. రిజర్వేషన్‌ ప్రకారం ఆయా కేటగిరీల వారికి వయోసడలింపు ఉంటుంది. దరఖాస్తు ఫీజు జనరల్‌, ఓబీసీ, ఈడబ్ల్యూఎస్‌లకు రూ. 400, మహిళలు, ఎస్సీ, ఎస్టీ, ఎక్స్‌సర్వీస్‌మెన్‌లకు ఫీజు లేదు.

ఎంపిక
అర్హులైన అభ్యర్థులు ఆన్‌లైన్‌లో దరఖాస్తు చేసుకోవాలి. ఇంటర్వ్యూ (200 మార్కులు), ఫిజికల్‌ స్టాండర్డ్‌ టెస్ట్‌ (PST), మెడికల్‌ ఎగ్జామినేషన్‌ ద్వారా ఎంపిక చేస్తారు. ఎంపికైనవారికి సూపర్‌ స్పెషలిస్ట్‌ మెడికల్‌ ఆఫీసర్‌ (లెవల్‌-12)కు రూ. 78,000-2,09,200, స్పెషలిస్ట్‌ మెడికల్ ఆఫీసర్‌ (లెవల్‌-11)కు రూ. 67,700-2,08,700, మెడికల్‌ ఆఫీసర్‌ (లెవల్‌-10)కు రూ. 56,100-1,77,500 వరకు జీతం ఉంటుంది.

దరఖాస్తులకు చివరితేదీ సెప్టెంబర్‌ 8. ఇతర వివరాలకు వెబ్‌సైట్‌ www.recruitment.itbpolice.inలో చూడండి.