ఎన్‌హెచ్‌పీసీఎల్‌లో జూనియ‌ర్ ఇంజినీర్లు

NHPC | కేంద్ర విద్యుత్ శాఖ ఆధ్వ‌ర్యంలో ప‌నిచేస్తున్న ఎన్‌హెచ్‌పీసీ (NHPC) లిమిటెడ్ జూనియ‌ర్ ఇంజినీర్ పోస్టుల‌కు ద‌ర‌ఖాస్తులు

న్యూఢిల్లీ:కేంద్ర విద్యుత్ శాఖ ఆధ్వ‌ర్యంలో ప‌నిచేస్తున్న ఎన్‌హెచ్‌పీసీ (NHPC) లిమిటెడ్ జూనియ‌ర్ ఇంజినీర్ పోస్టుల‌కు ద‌ర‌ఖాస్తులు ఆహ్వానిస్తున్న‌ది. ఆస‌క్తి క‌లిగిన‌వారు ద‌ర‌ఖాస్తు చేసుకోవాల‌ని సూచించింది. ఈ నోటిఫికేష‌న్ ద్వారా మొత్తం 133 పోస్టుల‌ను భ‌ర్తీ చేస్తున్న‌ది. ఇందులో సివిల్ ఇంజినీర్‌, ఎల‌క్ట్రిక‌ల్, మెకానిక‌ల్ ఇంజినీర్ పోస్టులు ఉన్నాయి. రాత‌ప‌రీక్ష ద్వారా అభ్య‌ర్థులను ఎంపిక చేస్తున్న‌ది.

మొత్తం పోస్టులు: 133
ఇందులో సివిల్ ఇంజినీర్ 68, ఎల‌క్ట్రిక‌ల్ ఇంజినీర్ 34, మెకానిక‌ల్ ఇంజినీర్ 31 చొప్పున‌ ఖాళీలు ఉన్నాయి.
అర్హ‌త‌లు: బీటెక్ లేదా బీఈలో 60 శాతం మార్కుల‌తో సివిల్‌, మెకానిక‌ల్‌, ఎల‌క్ట్రిక‌ల్ ఇంజినీరింగ్ ఉత్తీర్ణులై ఉండాలి. ఈ స‌బ్జెక్టుల్లో డిప్లొమా చేసిన వారు కూడా అర్హులే.

ఎంపిక ప్ర‌క్రియ‌: కంప్యూట‌ర్ ఆధారిత‌ రాత‌ప‌రీక్ష ద్వారా
ద‌ర‌ఖాస్తు విధానం: ఆన్‌లైన్‌లో
అప్లికేష‌న్ ఫీజు: రూ.295. ఎస్సీ, ఎస్టీ, పీడ‌బ్ల్యూడీ అభ్య‌ర్థుల‌కు ఎలాంటి ఫీజు లేదు.
ద‌ర‌ఖాస్తులు ప్రారంభం: జ‌న‌వ‌రి 31
ద‌ర‌ఖాస్తుల‌కు చివ‌రితేదీ: ఫిబ్ర‌వ‌రి 21
వెబ్‌సైట్‌: www.nhpcindia.com