కొవిడ్ నిబంధ‌న‌లు ఉల్లంఘన‌.. 20 కిలోల ర‌స‌గుల్ల‌లు సీజ్

ర‌స‌గుల్ల‌ | కొవిడ్ నిబంధ‌న‌లు ఉల్లంఘిస్తే మ‌నుషుల‌ను అరెస్టు చేయాలి కానీ ర‌స‌గుల్ల‌ల‌ను సీజ్ చేయ‌డ‌మేంట‌ని అనుకుంటున్నారా? ఇది నిజ‌మే.

ల‌క్నో : కొవిడ్ నిబంధ‌న‌లు ఉల్లంఘిస్తే మ‌నుషుల‌ను అరెస్టు చేయాలి కానీ ర‌స‌గుల్ల‌ల‌ను సీజ్ చేయ‌డ‌మేంట‌ని అనుకుంటున్నారా? ఇది నిజ‌మే. ఎందుకంటే ఓ ఇద్ద‌రు వ్య‌క్తులు ర‌స‌గుల్ల‌ల‌ను పంచి.. క‌రోనా వ్యాప్తికి కార‌ణ‌మ‌వుతున్నార‌ని భావించి.. ఏకంగా ర‌స‌గుల్ల‌ల‌నే సీజ్ చేశారు. ఈ ఘ‌ట‌న ఉత్త‌ర‌ప్ర‌దేశ్‌లోని హాపూర్ పోలీసు స్టేష‌న్ ప‌రిధిలో ఇటీవ‌లే వెలుగు చూసింది.

యూపీ పంచాయ‌తీ ఎన్నిక‌ల ఫ‌లితాలు వెలువ‌డిన అనంత‌రం విజ‌యోత్స‌వ ర్యాలీలు నిర్వ‌హించొద్ద‌ని కోర్టు ఆదేశాలు జారీ చేసిన విష‌యం విదిత‌మే. కానీ ఈ ఆదేశాల‌ను యూపీలోని ఇద్ద‌రు వ్య‌క్తులు తుంగ‌లో తొక్కారు. యూపీ పంచాయ‌తీ ఎన్నిక‌ల ఫ‌లితాలు వెలువ‌డిన అనంత‌రం త‌మ అభ్య‌ర్థులు గెలిచార‌న్న సంతోషంతో.. ఇద్ద‌రు వ్య‌క్తులు ర‌స‌గుల్ల‌ల‌ను పంచిపెట్టారు. దీంతో అంద‌రూ గుమిగూడారు. కొవిడ్ నిబంధ‌న‌లు ఉల్లంఘిచార‌ని, అందుకు కార‌ణం ర‌స‌గుల్ల‌ల‌ను పంచ‌డమే అని భావించి 20 కిలోల స్వీట్‌ను సీజ్ చేసి ఇద్ద‌రిని అరెస్టు చేశారు. కేసు ద‌ర్యాప్తు కొన‌సాగుతోంది.

ఇవి కూడా చ‌ద‌వండి..

జీహెచ్ఎంసీలో హోం ఐసోలేష‌న్ కిట్లు.. సంప్ర‌దించాల్సిన నంబ‌ర్ ఇదే..

స్వ‌ల్ప ల‌క్ష‌ణాలున్న కొవిడ్ టెస్టు చేయించుకోవాలి : సీఎస్ సోమేశ్ కుమార్

ఆర్ఎల్డీ అధినేత‌, కేంద్ర మాజీ మంత్రి అజిత్ సింగ్ క‌రోనాతో క‌న్నుమూత‌

అజిత్ సింగ్ మృతిప‌ట్ల సీఎం కేసీఆర్ సంతాపం

క‌రోనా వేళ‌.. వ‌రుస‌గా మూడో రోజు పెరిగిన పెట్రోల్, డీజిల్ ధ‌ర‌లు

కేంద్రం తీరుపై కాంగ్రెస్‌ నేత కపిల్‌ సిబల్‌ ఆగ్రహం