Karnataka CM: శివ‌కుమారా లేక సిద్ధిరామ‌య్యా.. కర్ణాట‌క సీఎం అయ్యేదెవ‌రు?

Karnataka CM: శివ‌కుమారా లేక సిద్ధిరామ‌య్యా.. క‌ర్నాట‌క సీఎం అయ్యేదెవ‌రన్న దానిపై ఇంకా క్లారిటీ లేదు. సిద్ధిరామ‌య్యే సీఎం అవుతార‌ని కాంగ్రెస్ వ‌ర్గాలు చెబుతున్నాయి. కానీ శివ‌కుమార్‌కు కూడా ఆ పోస్టు ద‌క్కే ఛాన్సు ఉన్న‌ట్లు ఊహాగానాలు వినిపిస్తున్నాయి.

బెంగుళూరు: కర్ణాట‌క అసెంబ్లీ కాంగ్రెస్‌కే క‌న్ఫ‌ర్మ్ అయ్యింది. తాజా కౌంటింగ్‌లో ఆ పార్టీ 122 స్థానాల్లో లీడింగ్‌లో ఉంది. 224 స్థానాలు ఉన్న కర్ణాట‌క అసెంబ్లీలో 113 సీట్లు వ‌చ్చిన పార్టీయే ప్ర‌భుత్వాన్ని ఏర్పాటు చేస్తుంది. అయితే ఇప్పుడు కాంగ్రెస్ పార్టీ నుంచి ఎవ‌రు సీఎం(Karnataka CM) అవుతార‌న్న‌దే కీల‌కంగా మారింది. ఆ రాష్ట్ర కాంగ్రెస్ చీఫ్ డీకే శివ‌కుమార్(DK Shivakumar) లేదా సీనియ‌ర్ సిద్ధిరామ‌య్య(Siddiramaiah).. ఈ ఇద్ద‌రిలో ఎవ‌రు సీఎం పోస్టును చేజిక్కించుకుంటారో ఇంకా క్లారిటీ లేదు.

ఎన్నిక‌ల ప్ర‌చారంలో ఇద్దరూ పార్టీ కోసం విస్తృతంగా టూర్ చేశారు. క‌ర్ణాట‌క సీఎంగా సిద్ధిరామ‌య్య‌కే ఎక్కువ ఛాన్సు ఉంద‌ని పార్టీలోని వ‌ర్గాలు చెబుతున్నాయి. కానీ ఆ రాష్ట్రంలో కాంగ్రెస్ మ‌ళ్లీ పుంజుకోవ‌డం కోసం డీకే శివ‌కుమార్ తీవ్రంగా క‌ష్ట‌ప‌డ్డారు. అయితే శివ‌కుమార్‌కు మంచి పోస్టే ద‌క్కుతుంద‌ని కాంగ్రెస్ వ‌ర్గాలు చెబుతున్నాయి. పార్టీలో ఇద్ద‌రి మ‌ధ్య ప‌వ‌ర్ షేరింగ్ ఫార్ములా కుదిరిన‌ట్లు తెలుస్తోంది. డీకే శివ‌కుమార్‌కు తొలుత ఓ ఉన్న‌త పోస్టు ఇచ్చినా.. ఆ త‌ర్వాత ఆయ‌నే ఆ రాష్ట్ర సీఎం అవుతార‌ని ఊహాగానాలు వినిపిస్తున్నాయి.