ఊబకాయంతో బాధపడుతున్న చిన్నారులకు

న్యూఢిల్లీ: ఊబకాయంతో బాధపడుతున్నవారి సంఖ్య పెరుగుతూ వస్తోంది. ముఖ్యంగా చిన్న వయసులోనే ఈ సమస్యను ఎదుర్కొంటున్నవారిని చూస్తుంటే ఆందోళన కలుగుతుంది. ఈ నేపథ్యంలో ఊబకాయాన్ని అదుపులో ఉంచేందుకు ఔషధాల వాడకం, సర్జరీలు సాధారణం అయిపోయాయి. అయితే వీటి వినియోగంపై ప్రపంచ ఆరోగ్య సంస్థ(డబ్ల్యూహెచ్‌వో) కీలక హెచ్చరికలు జారీ చేసింది.

• ఆ మందులు వద్దు ప్రపంచ ఆరోగ్య సంస్థ సూచన

పదేండ్లలోపు చిన్నారులకు బరువు తగ్గించే ఔషధాలు ఇవ్వవద్దని, అవి మెరుగైన ఫలితాలు ఇస్తున్నాయనేందుకు ఆధారాలు లేవని తెలియజేసింది. అయితే పిల్లల కోసమే లైసెన్సులు పొందిన ఔషధాలు అందుబాటులో ఉన్నాయని పేర్కొంది. అయినప్పటికీ ఔషధాలు, సర్జరీలపై ఆధారపడకుండా ఆరోగ్యకరమైన ఆహార అలవాట్లతో ఊబకాయాన్ని అదుపులో ఉంచుకోవడం ఉత్తమమని డబ్ల్యూహెచ్‌వో సూచించింది. ప్రపంచవ్యాప్తంగా 17 కోట్ల మంది చిన్నారులు ఊబకాయంతో బాధపడుతున్నట్లు అంచనా.