CM Siddaramaiah: ష‌ర్ట్ విప్ప‌మ‌న్నారు.. ఇక నేను ఆ గుడిలోకి వెళ్ల‌లేదు: క‌ర్నాట‌క సీఎం

CM Siddaramaiah: ఓసారి కేర‌ళ‌లో ఓ గుడికి వెళ్తే త‌న‌ను ష‌ర్ట్ విప్ప‌మ‌న్నార‌ని, అయితే ష‌ర్ట్ విప్ప‌డం ఇష్టం లేక తాను గుడిలోకి వెళ్ల‌లేద‌ని క‌ర్నాట‌క సీఎం సిద్ధ‌రామ‌య్య తెలిపారు. స‌నాత‌న ధ‌ర్మంపై ఓ వైపు వివాదం చెల‌రేగుతున్న నేప‌థ్యంలో సిద్ధ‌రామ‌య్య వ్యాఖ్య‌లు మ‌రింత దుమారం సృష్టిస్తున్నాయి.

బెంగుళూరు: ఒక‌వైపు స‌నాత‌న ధ‌ర్మంపై దేశ‌వ్యాప్తంగా చ‌ర్చ జరుగుతుంటే.. మ‌రో వైపు క‌ర్నాట‌క సీఎం సిద్ధ‌రామ‌య్య(CM Siddaramaiah) వివాదాస్ప‌ద వ్యాఖ్య‌లు చేశారు. గ‌తంలో ఓ సారి కేర‌ళ‌లోని ఓ ఆల‌యంలో జ‌రిగిన ఘ‌ట‌న గురించి ఆయ‌న కామెంట్ చేశారు. బెంగుళూరులో నారాయ‌ణ గురువుకు చెందిన 169వ వార్షికోత్స‌వంలో ఆయ‌న మాట్లాడుతూ.. ఓసారి కేర‌ళ‌లో ఓ ఆల‌యానికి వెళ్తే, ష‌ర్ట్ విప్పి లోప‌లికి వెళ్లాల‌న్నార‌ని, అయితే ఆ ఆల‌యంలోకి వెళ్లేందుకు తాను నిరాక‌రించిన‌ట్లు గుర్తు చేశారు. గుడి బ‌య‌ట నుంచే దేవుడికి మొక్కుకున్న‌ట్లు చెప్పారు. ప్ర‌తి ఒక్క‌ర్నీ ష‌ర్ట్ తీసివేయాల‌ని కోర‌లేద‌ని, కొంద‌ర్ని మాత్రం అలా అడిగార‌ని సిద్ధ‌రామ‌య్య తెలిపారు. ఇలాంటి ప‌ద్ధ‌తి అమాన‌వీయంగా తోచిన‌ట్లు సీఎం వెల్ల‌డించారు. దేవుడి ముందు అంద‌రూ స‌మాన‌మే అని ఆయ‌న అన్నారు.