న్యూఢిల్లీ : దయాగుణం కలిగినవారు అరుదుగా కనిపిస్తుంటారు. మనసంతా కరుణ కలిగిన ఓ బాలుడి వీడియో (Viral Video) తాజాగా నెటిజన్ల హృదయాలను తాకుతోంది. వలలో చిక్కుకున్న కాకిని ఓ స్కూల్ బాలుడు కాపాడి దానికి స్వేచ్ఛ ప్రసాదించిన వీడియో సోషల్ మీడియాలో వైరల్గా మారింది.
A compassionate heart touches countless lives.❤️🌸 pic.twitter.com/93XKNckU0n
— Sabita Chanda (@itsmesabita) March 1, 2023
సబితా చంద అనే యూజర్ ఈ వీడియోను ట్విట్టర్లో షేర్ చేశారు. ఆన్లైన్లో షేర్ చేసినప్పటి నుంచి ఈ వీడియోను ఇప్పటివరకూ 26,000 మందికి పైగా వీక్షించారు. ఈ షార్ట్ క్లిప్లో బాలుడు తన స్కూల్లో వలలో ఇరుక్కున్న కాకిని చూసి నిస్సహాయ పక్షికి సాయం చేసి దాన్ని బయటకు వదలడం ఆకట్టుకుంటుంది.
ఆ సమయంలో అతడి క్లాస్మేట్స్ కూడా బాలుడి చుట్టూ చేరి పక్షికి స్వేచ్ఛ లభించడంతో ఆనందంతో చప్పట్లు కొడతారు. కరుణామయ హృదయం ఎన్నో జీవితాలను స్పృశిస్తుందని ఈ పోస్ట్కు క్యాప్షన్ ఇచ్చారు. కామెంట్స్ సెక్షన్లో ట్విట్టర్ యూజర్లు స్కూల్ బాలుడిపై ప్రశంసలు గుప్పించారు. ఈ బాలుడికి చాలా దయాగుణం ఉందని ఓ యూజర్ కామెంట్ చేయగా ఎంతో సునిశితమైన బాలుడని మరో యూజర్ రాసుకొచ్చారు.
Read More :
Mahesh Babu | సూపర్ ఫిట్గా మహేశ్ బాబు.. ట్రెండింగ్లో నయా వర్కవుట్ లుక్స్