Kutta became dutta | రేషన్ కార్డులో నమోదైన తప్పును సరిదిద్దడంతో కుక్కలా అరుస్తూ నిరసన తెలిపిన వ్యక్తి కథ సుఖాంతమైంది. ఇప్పుడు కుత్తా కాస్తా దత్తాగా మారింది. దాంతో శ్రీకాంతి కుమార్ దత్తా అధికారులను అభినందించడమే కాకుండా తనను ఫేమ్ చేసిన సోషల్ మీడియాకు కృతజ్ఞతలు చెప్తున్నాడు.
పశ్చిమ బెంగాల్ బంకురా జిల్లాలోని ఓ గ్రామంలో ఏర్పాటు చేసిన కార్యక్రమంలో దత్తా అనే వ్యక్తి అధికారుల వద్ద వినూత్న రీతిలో నిరసన వ్యక్తం చేశాడు. రేషన్కార్డులో తన పేరును దత్తా అని కాకుండా కుత్తా అని ప్రింట్ చేశారని అధికారుల దృష్టికి తీసుకెళ్లేందుకు ప్రయత్నించాడు. అధికారులు పట్టించుకోకపోవడంతో కారు వెంట పరిగెడుతూ బౌ బౌ అంటూ కుక్కలా అరిచాడు. ఇది గమనించిన జిల్లా ఎగ్జిక్యూటివ్ మెజిస్ట్రేట్ కారును ఆపడంతో తన బాధను వెళ్లగక్కాడు. శ్రీకాంతి కుమార్ దత్తా పేరును కాస్తా కుత్తాగా మార్చారని ఆయన దృష్టికితేవడంతో సోమవారం అధికారులు ఆయన కార్డుపై తప్పును సరిదిద్ది ఇవ్వడంతో కథ సుఖాంతమైంది. కుత్తా కాస్తా దత్తాగా మారిందంటూ తనకు తానుగా సెటైర్లు విసురుకున్నాడు.
राशन कार्ड में Dutta की जगह लिखा 'Kutta' तो भड़का शख्स, अधिकारी के सामने लगा भौंकने|
– मामला बंगाल का है। pic.twitter.com/miuGZ4GV0F
— Shubhankar Mishra (@shubhankrmishra) November 19, 2022
రెండు రోజుల క్రితం బంకురా నుంచి ఈ వీడియో సోషల్ మీడియాలో వైరల్గా మారింది. మూడు సార్లు అధికారులకు విన్నవించినా స్పందించలేదని, కానీ సోషల్ మీడియాలో వీడియో పోస్ట్ కాగానే స్పందించిన అధికారులు తన పేరును మార్చి ఇచ్చారని దత్తా చెప్పారు. దాంతో సమస్య పరిష్కారం అయినందుకు సోషల్ మీడియాకు ఆయన కృతజ్ఞతలు తెలిపారు.