భార్యాభర్తలిద్దరూ ఇంటి పనిని సమానంగా పంచుకోవాల్సిందే: బాంబే హైకోర్టు

ఈ ఆధునిక సమాజంలో భార్యాభర్తలిద్దరూ ఇంటి బాధ్యతలను, పనులను సమానంగా పంచుకోవాల్సిందేనని బాంబే హైకోర్టు తీర్పు ఇచ్చింది. తనకు విడాకులు ఇవ్వడానికి నిరాకరిస్తూ కింది కోర్టు ఇచ్చిన ఉత్తర్వులను రద్దు చేయాలంటూ పిటిషనర్‌ వేసిన కేసును కొట్టివేస్తున్నట్టు ప్రకటించింది.

ముంబై, సెప్టెంబర్‌ 14: ఈ ఆధునిక సమాజంలో భార్యాభర్తలిద్దరూ ఇంటి బాధ్యతలను, పనులను సమానంగా పంచుకోవాల్సిందేనని బాంబే హైకోర్టు తీర్పు ఇచ్చింది. తనకు విడాకులు ఇవ్వడానికి నిరాకరిస్తూ కింది కోర్టు ఇచ్చిన ఉత్తర్వులను రద్దు చేయాలంటూ పిటిషనర్‌ వేసిన కేసును కొట్టివేస్తున్నట్టు ప్రకటించింది. భార్యాభర్తలిద్దరూ ఉద్యోగస్తులైనప్పుడు భార్య మాత్రమే ఇంటిపని చేయాలంటూ ఒత్తిడి చేయడం అతని బూజుపట్టిన భావ వైఖరిని తెలియజేస్తున్నదని కోర్టు అభిప్రాయపడింది.

ఆధునిక సమాజంలో ఇంటి బాధ్యతలు, పనులు దంపతులిద్దరిపైనా సమానంగా ఉందని, దీనిలో ఒకరు ఎక్కువ, ఒకరికి తక్కువ అన్న ప్రశ్నే లేదని స్పష్టం చేసింది. ఒక మహిళ పెళ్లయ్యి వచ్చిన తర్వాత ఆమె తల్లిదండ్రులను కలుసుకోకుండా నిరోధించడం తగదని, వివాహమైనంత మాత్రాన ఆమె తన తల్లిదండ్రులతో బంధం తెంచుకోవాలని ఆశించడం సబబు కాదని ధర్మాసనం వ్యాఖ్యానించింది.