ISRO | కక్ష్యలోకి ప్రవేశించని ఎన్‌వీఎస్‌-02 శాటిలైట్‌.. ఇస్రో వందో ప్రయోగంలో సాంకేతిక లోపం

గత బుధవారం ఇస్రో చేపట్టిన 100వ ప్రయోగానికి అనుకోని అడ్డంకులు ఏర్పడ్డాయి. అంతరిక్షంలోకి పంపిన ఎన్‌వీఎస్‌-02 శాటిలైట్‌లో సాంకేతిక లోపం తలెత్తిందని ఇస్రో తాజాగా ప్రకటించింది.

ISRO | న్యూఢిల్లీ: గత బుధవారం ఇస్రో చేపట్టిన 100వ ప్రయోగానికి అనుకోని అడ్డంకులు ఏర్పడ్డాయి. అంతరిక్షంలోకి పంపిన ఎన్‌వీఎస్‌-02 శాటిలైట్‌లో సాంకేతిక లోపం తలెత్తిందని ఇస్రో తాజాగా ప్రకటించింది. ‘నిర్దేశిత కక్ష్యలోకి ఎన్‌వీఎస్‌-02 నావిగేషన్‌ శాటిలైట్‌ను ప్రవేశపెట్టలేకపోయాం. కక్ష్యను పెంచేందుకు శాటిలైట్‌లోని థ్రస్టర్లను మండించే ప్రయత్నం చేయగా, ఆక్సిడైజర్లను అందించే వాల్వ్‌లు తెరుచుకోలేదు’ అని ఇస్రో వెబ్‌సైట్‌ పేర్కొన్నది.

యూఆర్‌ శాటిలైట్‌ సెంటర్‌లో తయారైన శాటిలైట్‌లో సాంకేతిక లోపం కారణంగా ద్రవరూప ఇంధనం మండించలేకపోయారు. దీంతో ఈ మిషన్‌ ఆలస్యం కావొచ్చు లేదా.. శాటిలైట్‌పై ఆశలు వదులుకోవచ్చునని సైంటిస్టులు భావిస్తున్నారు. జనవరి 29న శ్రీహరి కోట నుంచి జీఎస్‌ఎల్‌వీ-ఎఫ్‌15 రాకెట్‌ ద్వారా ఎన్‌వీఎస్‌-02 శాటిలైట్‌ను ఇస్రో ప్రయోగించింది.