వెట్టిచాకిరీ కార్మికులకు ఏకరీతి విధానం ఉండాలి

వెట్టిచాకిరీ నిర్మూలన, విముక్తి పొందిన కార్మికుల పునరావాసం కోసం దేశమంతటా ఒకే విధమైన ప్రామాణిక విధానాన్ని అమలు చేయాలని కేంద్ర, రాష్ట్ర ప్రభుత్వాలను సుప్రీంకోర్టు ఆదేశించింది.

న్యూఢిల్లీ : వెట్టిచాకిరీ నిర్మూలన, విముక్తి పొందిన కార్మికుల పునరావాసం కోసం దేశమంతటా ఒకే విధమైన ప్రామాణిక విధానాన్ని అమలు చేయాలని కేంద్ర, రాష్ట్ర ప్రభుత్వాలను సుప్రీంకోర్టు ఆదేశించింది. ఇందుకోసం బాండెడ్‌ లేబర్‌ సిస్టమ్‌ చట్టం-1976ను ఆరు నెలల్లోగా అమలు చేయాలని తెలిపింది.

వెట్టిచాకిరీ నుంచి విముక్తి కల్పిస్తే సరిపోదని, ధ్రువపత్రం అందించిన ఏడు రోజుల్లో ఆర్థిక సాయం అందించాలని, పునరావాసం కల్పించాలని అప్పుడే రాజ్యాంగం కల్పించిన జీవించే హక్కు సార్థకం అవుతుందని ధర్మాసనం పేర్కొన్నది.