మరణ శిక్ష విధించినా తగ్గేది లేదు: షేక్‌ హసీనా

ఎట్టి పరిస్థితుల్లోనూ డిసెంబర్‌లో తాను స్వదేశానికి తిరిగి వెళ్తానని బంగ్లాదేశ్‌ మాజీ ప్రధాని షేక్‌ హసీనా స్పష్టం చేశారు. ఈ మేరకు అసోసియేటెడ్‌ ప్రెస్‌ ప్రశ్నలకు ఆమె ఈ-మెయిల్‌ ద్వారా బుధవారం బదులిచ్చారు.

న్యూఢిల్లీ: ఎట్టి పరిస్థితుల్లోనూ డిసెంబర్‌లో తాను స్వదేశానికి తిరిగి వెళ్తానని బంగ్లాదేశ్‌ మాజీ ప్రధాని షేక్‌ హసీనా స్పష్టం చేశారు. ఈ మేరకు అసోసియేటెడ్‌ ప్రెస్‌ ప్రశ్నలకు ఆమె ఈ-మెయిల్‌ ద్వారా బుధవారం బదులిచ్చారు.

‘చావే నా తలరాత అయితే, నేను నా స్వదేశంలో నా సొంత ప్రజల మధ్యే చనిపోతాను. నేను బంగ్లాదేశ్‌కు తిరిగి వెళ్తాను. ఆ నిర్ణయంలో మార్పు లేదు. నా ప్రజలు సతమతం కావడాన్ని దూరం నుంచి నా మిగిలిన జీవితమంతా చూడలేను’ అని ఆమె తెలిపారు.