Dark oxygen | సముద్రం అట్టడుగున డార్క్‌ ఆక్సిజన్‌

సముద్రం అట్టడుగున డార్క్‌ ఆక్సిజన్‌ (దాదాపు 13 వేల అడుగుల లోతున ఉత్పత్తి అయ్యే ఆక్సిజన్‌ను డార్క్‌ ఆక్సిజన్‌ అంటారు) ఉత్పత్తి కావటం శాస్త్రవేత్తలను ఆశ్చర్యానికి గురిచేస్తున్నది.

Dark oxygen | న్యూఢిల్లీ, జూలై 23: సముద్రం అట్టడుగున డార్క్‌ ఆక్సిజన్‌ (దాదాపు 13 వేల అడుగుల లోతున ఉత్పత్తి అయ్యే ఆక్సిజన్‌ను డార్క్‌ ఆక్సిజన్‌ అంటారు) ఉత్పత్తి కావటం శాస్త్రవేత్తలను ఆశ్చర్యానికి గురిచేస్తున్నది. ఎలాంటి జీవి ప్రమేయం లేకుండా, సూర్యరశ్మి పడకుండా పసిఫిక్‌ మహా సముద్రంలో ప్రాణవాయువు ఉత్పత్తి కావటమే అందుకు కారణం.

దీన్ని బట్టి సముద్రపు అడుగు భాగంలో ఆక్సిజన్‌ను ఉత్పత్తి చేయొచ్చన్న అభిప్రాయం బలపడుతున్నదని స్కాటిష్‌ అసోసియేషన్‌ ఫర్‌ మరైన్‌ సైన్సెస్‌ శాస్త్రవేత్తలు చెప్తున్నారు. 2013లోనే తొలిసారిగా దీన్ని గుర్తించగా, పూర్తి అధ్యయనం తర్వాత ఈ అంశాన్ని ఓ జర్నల్‌లో ప్రచురించారు.