Russian YouTuber | ఢిల్లీలో రష్యన్‌ యూట్యూబర్‌కు వేధింపులు.. అందంగా ఉన్నావు అంటూ వెంటపడిన ఆకతాయి

Russian YouTuber | దేశ రాజధాని ఢిల్లీలో ఓ రష్యన్‌ యూట్యూబర్‌ (Russian YouTuber)కు చేదు అనుభవం ఎదురైంది. ఓ ఆకతాయి ఆమె వెంట పడి ‘నువ్వు చాలా అందంగా ఉన్నావు..’ అంటూ వేధింపులకు గురిచేశాడు.

October 21, 2023 / 12:24 PM IST

Russian YouTuber | ఢిల్లీలో రష్యన్‌ యూట్యూబర్‌కు వేధింపులు.. అందంగా ఉన్నావు అంటూ వెంటపడిన ఆకతాయి

Russian YouTuber | దేశ రాజధాని ఢిల్లీలో ఓ రష్యన్‌ యూట్యూబర్‌ (Russian YouTuber)కు చేదు అనుభవం ఎదురైంది. ఓ ఆకతాయి ఆమె వెంట పడి ‘నువ్వు చాలా అందంగా ఉన్నావు..’ అంటూ వేధింపులకు గురిచేశాడు. ఇందుకు సంబంధించిన వీడియో ప్రస్తుతం వైరల్‌ అవుతోంది.

రష్యాకు చెందిన ఓ యువతి ‘కోకో ఇన్‌ ఇండియా’ (Koko in India) అనే యూట్యూబ్‌ ఛానెల్‌ నిర్వహిస్తోంది. మన దేశంలోని పలు ప్రముఖ ప్రాంతాలను సందర్శించి.. వీడియోలు చిత్రీకరించి వాటిని తన యూట్యూబ్‌ ఛానెల్‌లో అప్‌లోడ్‌ చేస్తుంటుంది. ఇందులో భాగంగానే ఇటీవలే ఢిల్లీ (Delhi)లో రద్దీగా ఉండే సరోజినీ నగర్‌ మార్కెట్‌ (Sarojini Nagar Market)ను సందర్శించింది. అక్కడ ఆమె ప్రత్యక్ష ప్రసారం చేస్తుండగా.. ఓ ఆకతాయి ఆమె వెంట పడ్డాడు. అనుచిత వ్యాఖ్యలతో యూట్యూబర్‌ను ఇబ్బందులకు గురి చేశాడు. మీ వీడియోలు నిత్యం చూస్తూనే ఉంటానని.. మీతో స్నేహం చేయాలనుకుంటున్నా అంటూ మాటకలిపాడు. మీరు చాలా అందంగా ఉంటారు అంటూ అసభ్యకర రీతిలో మాట్లాడాడు. అతడి ప్రవర్తకు ఒకింద ఇబ్బందికి గురైన సదరు యూట్యూబర్‌.. ఎంతో ఓపిగ్గా అతడికి సమాధానమిచ్చింది. ఇందుకు సంబంధించిన వీడియో ప్రస్తుతం వైరల్‌గా మారింది. ఇది చూసిన నెటిజన్లు సదరు యువకుడిపై తీవ్ర స్థాయిలో మండిపడుతున్నారు. ఆ ఆకతాయి తరఫున యూట్యూబర్‌కు క్షమాపణలు చెబుతున్నారు.