Lalu Prasad Yadav | క్షీణించిన లాలూ ప్రసాద్‌ యాదవ్‌ ఆరోగ్యం.. ఢిల్లీ ఎయిమ్స్‌లో చికిత్స
Lalu Prasad Yadav | బీహార్‌ మాజీ ముఖ్యమంత్రి, ఆర్జేడీ అధినేత (RJD Supremo) లాలూ ప్రసాద్‌ యాదవ్‌ (Lalu Prasad Yadav) ఆరోగ్యం క్షీణించినట్లు తెలుస్తోంది.
Lalu Prasad Yadav | బీహార్‌ మాజీ ముఖ్యమంత్రి, ఆర్జేడీ అధినేత (RJD Supremo) లాలూ ప్రసాద్‌ యాదవ్‌ (Lalu Prasad Yadav) ఆరోగ్యం క్షీణించినట్లు తెలుస్తోంది. మంగళవారం అనారోగ్యానికి గురికావడంతో ఆయన్ని కుటుంబ సభ్యులు డిల్లీలోని ఎయిమ్స్‌ (Delhi AIIMS)కు తరలించారు. వైద్యుల పర్యవేక్షణలో లాలూ చికిత్స తీసుకుంటున్నారు. ప్రస్తుతం ఆయన ఆరోగ్య పరిస్థితి నిలకడగానే ఉన్నట్లు వైద్యులు తెలిపారు. అనారోగ్యం కారణంగా సోమవారం రోజే ఆయన పాట్నా నుంచి ఢిల్లీకి వెళ్లినట్లు తెలిసింది. ల్యాండ్‌ ఫర్‌ జాబ్‌, దాణా కుంభకోణం కేసుల్లో లాలూ ప్రసాద్‌ సహా ఆయన కుటుంబ సభ్యులు ఆరోపణలు ఎదుర్కొంటున్న విషయం తెలిసిందే. ప్రస్తుతం ఈ రెండు కేసుల్లో బెయిల్‌పై ఉన్నారు.
కాగా, లాలూ ప్రసాద్‌ యాదవ్‌ గత కొంత కాలంగా తీవ్రమైన అనారోగ్య సమస్యలతో బాధపడుతున్న విషయం తెలిసిందే. లాలూ కొన్నేళ్లుగా కిడ్నీ, గుండె సంబంధిత సమస్యలతో సతమతమవుతున్నారు. 2022 నవంబర్‌లో ఆయనకు సింగపూర్‌లో కిడ్నీ మార్పిడి ఆపరేషన్‌ కూడా జరిగింది. ఆయన కుమార్తె రోహిణి.. లాలూకి కిడ్నీ దానం చేశారు. ఆ తర్వాత కొంత కాలానికి తిరిగి భారత్‌ వచ్చారు. అనారోగ్యం నుంచి కోలుకున్న లాలూ రాజకీయాల్లో మళ్లీ యాక్టివ్‌ అయ్యారు. ఇంతలోనే ఆరోగ్యం తిరగబెట్టినట్లు తెలుస్తోంది.
Also Read..
Plane Crashe | కాఠ్‌మాండూ ఎయిర్‌పోర్ట్‌లో విమానం ఎలా కూలిందో చూడండి.. వైరలవుతున్న వీడియోలు
Kathmandu | టేకాఫ్‌ అవుతుండగా కుప్పకూలిన విమానం.. 18 మంది మృతి.. ప్రాణాలతో బయటపడ్డ పైలట్‌
Read Today's Latest National News in Telugu and Telugu News
- Follow Us :
-
