Gulam Nabi Azad | భార‌త్‌తోపాటు క‌శ్మీర్ ప్ర‌జ‌ల‌కూ పాకిస్థాన్ శ‌త్రువే : గులాం న‌బీ ఆజాద్‌

Gulam Nabi Azad | కశ్మీర్‌ (Kashmir) పై నేషనల్‌ కాన్ఫరెన్స్‌ అధినేత (NC Chief) ఫరూక్‌ అబ్దుల్లా (Farooq Abdullah) చేసిన వ్యాఖ్యలను జ‌మ్ముక‌శ్మీర్ మాజీ సీఎం గులాం నబీ ఆజాద్‌ (Gulam Nabi Azad) తప్పుబట్టారు. ఫరూక్ అబ్దుల్లాపై తనకు గౌరవం ఉందని, అయితే క‌శ్మీర్ విష‌యంలో ఆయన చేసిన వ్యాఖ్యలు సరికావని అన్నారు.

Gulam Nabi Azad : కశ్మీర్‌ (Kashmir) పై నేషనల్‌ కాన్ఫరెన్స్‌ అధినేత (NC Chief) ఫరూక్‌ అబ్దుల్లా (Farooq Abdullah) చేసిన వ్యాఖ్యలను జ‌మ్ముక‌శ్మీర్ మాజీ సీఎం గులాం నబీ ఆజాద్‌ (Gulam Nabi Azad) తప్పుబట్టారు. ఫరూక్ అబ్దుల్లాపై తనకు గౌరవం ఉందని, అయితే క‌శ్మీర్ విష‌యంలో ఆయన చేసిన వ్యాఖ్యలు సరికావని అన్నారు. పాకిస్థాన్‌ (Pakistan) భారతదేశంతోపాటు జమ్మూకశ్మీర్‌ ప్రజలకు కూడా శత్రువేన‌ని చెప్పారు. పాకిస్థాన్‌ ఆక్రమిత కశ్మీర్‌లో ప్రజలు తమ హక్కుల కోసం ఆందోళనలు చేస్తున్నారని ఆజాద్‌ గుర్తుచేశారు.

పీవోకేలో పరిస్థితులను చూస్తే.. కశ్మీర్‌ ప్రజలకు పాకిస్థాన్‌ రక్షణగా నిలుస్తోందని ఎలా చెప్పగలమని ఆజాద్‌ ప్రశ్నించారు. 1947 నుంచి కేంద్రంలో అధికారంలో ఉన్న ప్రభుత్వాలు జమ్మూ కశ్మీర్‌ అభివృద్ధికి కృషి చేశాయని పేర్కొన్నారు. ఫరూక్‌ అబ్దుల్లా శనివారం బారాముల్లాలో జరిగిన పార్టీ కార్యకర్తల సమావేశంలో మాట్లాడుతూ.. కశ్మీర్‌ సమస్యను అంతర్జాతీయ వేదికలపై పాకిస్థాన్‌ ప్రస్తావించడం వల్లే ఆ ప్రాంతానికి రక్షణ లభిస్తోందని వ్యాఖ్యానించారు. ఢిల్లీ నుంచి న్యాయం ఆశించగలమా..? అని ప్రశ్నించారు.

ఈ వ్యాఖ్యలపై బీజేపీ నేతలు తీవ్రంగా స్పందించారు. ఫరూక్‌పై పోలీసు చర్యలు తీసుకోవాలని బీజేపీ అధికార ప్రతినిధి అల్తాఫ్‌ ఠాకూర్‌ డిమాండ్‌ చేశారు. బహిరంగంగా క్షమాపణ చెప్పాలని జమ్మూకశ్మీర్ బీజేపీ అధ్యక్షుడు సత్‌ శర్మ కోరారు. మాజీ మంత్రి ఇమ్రాన్‌ అన్సారీ కూడా ఫరూక్‌ వ్యాఖ్యలను తప్పుబట్టారు.