‘సర్‌’కు వ్యతిరేకంగా నేడు నిరసన

సీఈసీ జ్ఞానేశ్‌ కుమార్‌ రాజీనామా చేయాలని, సర్‌ను రద్దు చేయాలని డిమాండ్‌ చేస్తూ శుక్రవారం దేశవ్యాప్తంగా నిరసనలు చేపట్టాలని సంయుక్త కిసాన్‌ మోర్చా, పీపుల్‌ ఎగనెస్ట్‌ ఎస్‌ఐఆర్‌ వేదిక పిలుపునిచ్చాయి.

న్యూఢిల్లీ: సీఈసీ జ్ఞానేశ్‌ కుమార్‌ రాజీనామా చేయాలని, సర్‌ను రద్దు చేయాలని డిమాండ్‌ చేస్తూ శుక్రవారం దేశవ్యాప్తంగా నిరసనలు చేపట్టాలని సంయుక్త కిసాన్‌ మోర్చా, పీపుల్‌ ఎగనెస్ట్‌ ఎస్‌ఐఆర్‌ వేదిక పిలుపునిచ్చాయి. దేశవ్యాప్తంగా రద్దు చేసిన సుమారు 13.41 కోట్ల మంది పౌరుల ఓటుహక్కును పునరుద్ధరించాలని అవి డిమాండ్‌ చేశాయి. సర్‌కు వ్యతిరేకంగా శుక్రవారం అన్ని జిల్లా, తహసీల్‌ కేంద్రాలు, రాష్ట్ర రాజధానుల్లో నిరసనలు చేపట్టాలని కోరాయి. అలాగే రాజధాని ఢిల్లీలో ఎన్నికల సంఘం కార్యాలయం వరకు ప్రదర్శన నిర్వహించాలని పిలుపునిచ్చాయి.