Ken-Betwa River Linking: కేన్-బేట్వా న‌దీ అనుసంధానం ప్రాజెక్టుకు ప్ర‌ధాని మోదీ శంకుస్థాప‌న‌

Ken-Betwa River Linking : కేన్‌-బేట్వా న‌దీ అనుసంధానం ప్రాజెక్టుకు ప్ర‌ధాని మోదీ శంకుస్థాప‌న చేశారు. మ‌ధ్య‌ప్ర‌దేశ్‌లోని ఖ‌జుర‌హోలో ఈ కార్య‌క్ర‌మాన్ని నిర్వ‌హించారు. రెండు న‌దుల‌కు చెందిన క‌ల‌శ నీరును .. ప్రాజెక్టు న‌మోనాపై పోశారు.

ఖ‌జుర‌హో: కేన్‌-బేట్వా న‌దీ అనుసంధానం(Ken-Betwa River Linking) ప్రాజెక్టుకు ప్ర‌ధాని మోదీ శంకుస్థాప‌న చేశారు. మ‌ధ్య‌ప్ర‌దేశ్‌లోని ఖ‌జుర‌హోలో ఈ కార్య‌క్ర‌మాన్ని నిర్వ‌హించారు. ఈ సంద‌ర్భంగా ఖాండ్వా జిల్లాలో ఏర్పాటు చేసిన ఓంకారేశ్వ‌ర్ ఫ్లోటింగ్ సోలార్ ప్రాజెక్టును కూడా ఆయ‌న వ‌ర్చువ‌ల్‌గా ప్రారంభించారు. కేంద్ర జ‌ల‌వ‌న‌రుల మంత్రి సీఆర్ పాటిల్‌, మ‌ధ్య‌ప్ర‌దేశ్ సీఎం మోహ‌న్ యాద‌వ్ ఈ కార్య‌క్ర‌మంలో పాల్గొన్నారు.

#WATCH | Madhya Pradesh | PM Modi lays foundation stone of Ken-Betwa River Linking Project and other development projects, in Khajuraho pic.twitter.com/OZsnzjnHnb

— ANI (@ANI) December 25, 2024

కేన్‌-బేట్వా న‌దుల నుంచి తీసుకువ‌చ్చిన నీటి క‌ల‌శాల‌ను ప్ర‌ధాని మోదీకి అంద‌జేశారు. అయితే ఆ క‌ల‌శాల్లో ఉన్న నీటిని.. ప్రాజెక్టుకు చెందిన న‌మోనా మోడ‌ల్‌పై ప్ర‌ధాని మోదీ పోశారు. మ‌ధ్య‌ప్ర‌దేశ్‌లోని 10 జిల్లాల‌కు చెందిన 44 ల‌క్ష‌ల మందికి, యూపీకి చెందిన 21 ల‌క్ష‌ల మందికి.. న‌దీ అనుసంధానం ప్రాజెక్టుతో తాగునీటిని అందించ‌నున్నారు.

ఈ ప్రాజెక్టు కోసం 44 వేల కోట్లు ఖ‌ర్చు చేయ‌నున్నారు. రెండు వేల గ్రామాల్లోని 7.18 ల‌క్ష‌ల వ్య‌వ‌సాయ కుటుంబాలు ల‌బ్ధిపొంద‌నున్నాయి.