ప్రజాస్వామ్యానికి భారత్‌ తల్లి వంటిది!

దేశ రాజధానిలో ప్రధాన ఎన్నికల కమిషనర్‌ జ్ఞానేశ్‌ కుమార్‌కు వ్యతిరేకంగా జరిగిన నిరసనలకు అడ్డుకునే క్రమంలో భద్రతా సిబ్బంది నిరసనకారులపై దాడి చేయడం, వారిని అదుపులోకి తీసుకోవడం, వేధించడం వంటి చర్యలకు పాల్పడిన తర్వాత ప్రజల ముందుకు వచ్చిన ప్రధాని నరేంద్ర మోదీ ప్రజాస్వామ్యానికి భారత్‌ తల్లిగా అభివర్ణించారు. మంగళవారం న్యూఢిల్లీలో ప్రారంభమైన బ్లూమ్‌బర్గ్‌ న్యూ ఎకానమీ ఫోరమ్‌లో మోదీ సుదీర్ఘ ప్రసంగం చేశారు.

• నిరసనలపై ఉక్కుపాదం మోపి ప్రధాని మోదీ వాక్కులు

న్యూఢిల్లీ, అక్టోబర్‌ 13: దేశ రాజధానిలో ప్రధాన ఎన్నికల కమిషనర్‌ జ్ఞానేశ్‌ కుమార్‌కు వ్యతిరేకంగా జరిగిన నిరసనలకు అడ్డుకునే క్రమంలో భద్రతా సిబ్బంది నిరసనకారులపై దాడి చేయడం, వారిని అదుపులోకి తీసుకోవడం, వేధించడం వంటి చర్యలకు పాల్పడిన తర్వాత ప్రజల ముందుకు వచ్చిన ప్రధాని నరేంద్ర మోదీ ప్రజాస్వామ్యానికి భారత్‌ తల్లిగా అభివర్ణించారు. మంగళవారం న్యూఢిల్లీలో ప్రారంభమైన బ్లూమ్‌బర్గ్‌ న్యూ ఎకానమీ ఫోరమ్‌లో మోదీ సుదీర్ఘ ప్రసంగం చేశారు. అధికారం ఎవరి చేతిలో ఉన్నది అనేది అసలు ప్రశ్న కాదు. ఆ అధికారాన్ని ఎలా ఉపయోగిస్తున్నారు అన్నదే అసలు ప్రశ్న అని మోదీ తన విధానాలకు విరుద్ధంగా వ్యాఖ్యానించారు. ప్రజాస్వామ్యయుత నిరసనలను అణచివేస్తూనే భారతదేశం ప్రజాస్వామ్యానికి తల్లిగా పేర్కొన్న మోదీ భారతీయుల సోషల్‌ మీడియా వినియోగాన్ని కూడా నొక్కిచెప్పారు.