భారత్‌ కంటే పాకిస్థానే భద్రం!

ప్రజా భద్రతలో భారత్‌కంటే పాకిస్థానే ఉత్తమ స్థానంలో నిలిచింది. ప్రజల ప్రాణ, ఆస్తి రక్షణలో పోలీసుల పనితనం ఎన్నో చిన్నదేశాలకంటే మనదేశంలో అధ్వాన్నంగా ఉన్నదని గాలప్‌ లా అండ్‌ ఆర్డర్‌ ఇండెక్స్‌-2021లో తేలింది

• ప్రజా భద్రతలో మనది డొల్లతనమే

ప్రజా భద్రతలో భారత్‌కంటే పాకిస్థానే ఉత్తమ స్థానంలో నిలిచింది. ప్రజల ప్రాణ, ఆస్తి రక్షణలో పోలీసుల పనితనం ఎన్నో చిన్నదేశాలకంటే మనదేశంలో అధ్వాన్నంగా ఉన్నదని గాలప్‌ లా అండ్‌ ఆర్డర్‌ ఇండెక్స్‌-2021లో తేలింది. 121 దేశాల్లో ఈ సర్వే నిర్వహించగా, మనదేశం 80 పాయింట్లతో 60వ స్థానంలో నిలిచింది. పాకిస్థాన్‌ 82 పాయింట్లలతో 48వ స్థానంలో నిలువటం విశేషం.

భారత్‌ ర్యాంకు-60 .. పాక్‌ ర్యాంకు-48

సర్వే సాగిందిలా ..

• 122 దేశాల్లో 15 ఏండ్లు పైబడిన 1,27,000 మందిని ఫోన్‌ ద్వారా, ముఖాముఖి ద్వారా సర్వే చేశారు.
• ఒక్కో దేశం నుంచి సగటున వెయ్యిమంది సర్వేలో పాల్గొన్నారు.
• ప్రతి రెస్పాండెంట్‌కు నాలుగు ప్రశ్నలు ఇచ్చారు.

1. మీరు నివసిస్తున్న ప్రాంతంలో పోలీసుల పనితీరుపై మీకు నమ్మకం ఉన్నదా?
2. మీరు నివసిస్తున్న ప్రాంతంలో మీరు ఒంటరిగా అర్థరాత్రి వీధుల్లో నడిచి వెళ్లగలనని భావిస్తున్నారా?
3. గత 12 నెలల్లో మీదిగానీ, మీ పక్కింటివాళ్లదిగానీ డబ్బు లేదా ఆస్తులు చోరీకి గురయ్యాయా?
4. గత 12 నెలల్లో ఎప్పుడైనా మీపై దాడి జరిగిందా?

 

భద్రతలో టాప్‌ 5 దేశాలు

1. సింగపూర్‌
2. తజకిస్థాన్‌
3. నార్వే
4. స్విట్జర్లాండ్‌
5. ఇండోనేషియా

చివరి ఐదు దేశాలు

1. సియెర్రా లియోన్‌
2. డీఆర్‌ కాంగో
3. వెనెజులా
4. గాబన్‌
5. అఫ్గానిస్థాన్‌