ఊబకాయంతో రొమ్ము క్యాన్సర్‌

సర్వరోగాలకు ఊబకాయమే కారణమన్నది అందరికీ తెలిసిన విషయమే. దీనివల్ల రొమ్ము క్యాన్సర్‌ కూడా వచ్చే ప్రమాదం ఉందని తాజా అధ్యయనంలో వెల్లడైంది. పరిమితికి మించిన బరువు జీవక్రియలపై ప్రభావం చూపడంతోపాటు క్యాన్సర్‌ వంటి రోగాలకు కారణం అవుతుందని జాతీయ పోషకాహార సంస్థ, అన్నామలై వర్సిటీ, ఆర్‌ కేశవన్‌ సౌత్‌వెస్ట్రన్‌ మెడికల్‌ సెంటర్‌కు చెందిన పరిశోధకులు ఎలుకలపై నిర్వహించిన అధ్యయనంలో తేలింది.

• తాజా అధ్యయనంలో వెల్లడి

హైదరాబాద్‌ సిటీబ్యూరో, ఆగస్టు 15(నమస్తే తెలంగాణ): సర్వరోగాలకు ఊబకాయమే కారణమన్నది అందరికీ తెలిసిన విషయమే. దీనివల్ల రొమ్ము క్యాన్సర్‌ కూడా వచ్చే ప్రమాదం ఉందని తాజా అధ్యయనంలో వెల్లడైంది. పరిమితికి మించిన బరువు జీవక్రియలపై ప్రభావం చూపడంతోపాటు క్యాన్సర్‌ వంటి రోగాలకు కారణం అవుతుందని జాతీయ పోషకాహార సంస్థ, అన్నామలై వర్సిటీ, ఆర్‌ కేశవన్‌ సౌత్‌వెస్ట్రన్‌ మెడికల్‌ సెంటర్‌కు చెందిన పరిశోధకులు ఎలుకలపై నిర్వహించిన అధ్యయనంలో తేలింది.

ఊబకాయం, రొమ్ము క్యాన్సర్‌కు మధ్య ఉన్న సంబంధాన్ని తెలుసుకునేందుకు సన్నగా, అధిక బరువుతో ఉన్న ఎలుకలను ఎంచుకున్నారు. క్యాన్సర్‌ కారకమైన డీఎంబీఏను వీటికి అందించగా సన్నటి ఎలుకల్లో 211 రోజుల రొమ్ము క్యాన్సర్‌ కణతి అభివృద్ధి చెందితే, అధిక బరువుతో ఉన్న ఎలుకల్లో 119 రోజుల్లోనే దానిని గుర్తించారు. దీనిని బట్టి ఊబకాయానికి, రొమ్ము క్యాన్సర్‌కు మధ్య సంబంధం ఉందని నిరూపితమైంది. ఊబకాయం, దీర్ఘకాలిక వ్యాధుల ప్రభావాన్ని అంచనా వేయడంలో ఈ జీవకణ అధ్యయనం కీలకంగా మారినట్టు పరిశోధకులు తెలిపారు.