Visit:
న్యూఢిల్లీ: భారత్లో దశాబ్దం తర్వాత తొలిసారిగా ఎల్పీజీ సిలిండర్లను ఉపయోగిస్తున్న కుటుంబాల సంఖ్య తగ్గింది. 2026 ఏప్రిల్ నుంచి ఆగస్టు మధ్యకాలంలో యాక్టివ్ కస్టమర్ల సంఖ్య 62 లక్షలు తగ్గి 32.77 కోట్లకు చేరింది. ఉజ్వల పథకంలో కూడా 6 లక్షల మంది వినియోగదారులు తగ్గారు. ఇరాన్లో జరుగుతున్న ఘర్షణ కారణంగా గల్ఫ్ ప్రాంతం నుంచి భారత్కు ఎల్పీజీ దిగుమతులకు అంతరాయం ఏర్పడింది. యుద్ధానికి ముందు భారత్ దిగుమతి చేసుకునే ఎల్పీజీలో దాదాపు 90 శాతం గల్ఫ్ ప్రాంతం నుంచే వచ్చేది.
దిగుమతులకు అంతరాయం ఏర్పడడంతో కొత్త కనెక్షన్లను నిలిపివేయడంతోపాటు క్రియాశీలకంగా లేని ఖాతాలను తొలగించేందుకు కఠినమైన తనిఖీలు చేపట్టారు. మరోవైపు పైపుల ద్వారా సహజవాయువు(పీఎన్జీ) అందుబాటులో ఉన్న నగరాల్లో పలువురు ఎల్పీజీ నుంచి పీఎన్జీకి మారుతున్నారు. ఇటీవల దాదాపు 6 లక్షల పీఎన్జీ కనెక్షన్లు అదనంగా చేరాయి. ముఖ్యంగా దక్షిణ, పశ్చిమ భారతదేశంలో ఎల్పీజీ వినియోగదారుల సంఖ్య ఎక్కువగా తగ్గిన ప్రాంతాల్లో ఈ మార్పు కనిపించింది.
