‘మీరు దొంగ‌లు…’ తీవ్ర ఆవేశంతో ఊగిపోయిన కేంద్ర మంత్రి అజ‌య్ మిశ్రా

కేంద్ర మంత్రి అజ‌య్ మిశ్రా తీవ్ర ఆవేశంతో ఊగిపోయారు. లఖింపూర్ ఖేరీ విష‌యంలో సిట్ వ్యాఖ్య‌ల‌పై స్పందించాల‌ని విలేక‌రులు

కేంద్ర మంత్రి అజ‌య్ మిశ్రా తీవ్ర ఆవేశంతో ఊగిపోయారు. లఖింపూర్ ఖేరీ విష‌యంలో సిట్ వ్యాఖ్య‌ల‌పై స్పందించాల‌ని విలేక‌రులు కోరిన‌ప్పుడు తీవ్ర ఆగ్ర‌హం వ్య‌క్తం చేశారు. స్పందించాల్సిందిగా విలేక‌రులు కోరగానే.. విలేక‌రిని తోసేశారు.’మీరంతా దొంగ‌లే’ అంటూ తీవ్ర వ్యాఖ్య‌లు చేశారు. ప్ర‌స్తుతం ఈ వీడియో సోష‌ల్ మీడియాలో తెగ వైర‌ల్ అవుతోంది. ల‌ఖింపూర్ ఖేరీ ఘ‌ట‌న ముంద‌స్తు ప్ర‌ణాళిక‌తో జ‌రిగిన కుట్రే అని ఆ కేసును ద‌ర్యాప్తు చేస్తున్న సిట్ తేల్చి చెప్ప‌డంతో రాజ‌కీయంగా పెను దుమారం రేగుతోంది. ఈ కేసులో ప్ర‌ధాన నిందితుడు కేంద్ర మంత్రి అజ‌య్ మిశ్రా కుమారుడు ఆశిశ్ మిశ్రా. ఈ నేప‌థ్యంలో కేంద్ర మంత్రి అజ‌య్ మిశ్రాపై విప‌రీత‌మైన ఒత్తిడి పెరుగుతోంది. ఆయ‌న్ను కేంద్ర మంత్రి ప‌ద‌వి నుంచి తొల‌గించాల‌ని కాంగ్రెస్ స‌హా ప్ర‌ధాన ప్ర‌తిప‌క్షాల‌న్నీ డిమాండ్ చేస్తున్నాయి. కాంగ్రెస్ ఎంపీ రాహుల్ ఈ విష‌యంపై లోక్‌స‌భలో వాయిదా తీర్మానాన్ని కూడా ప్ర‌వేశపెట్టారు.